រាជធានីភ្នំពេញ ៖ បុរសម្នាក់ក្នុងស្ថានភាពស្រវឹងស្រាជោកជាំបានជិះម៉ូតូម៉ាកអាយខនពណ៌ផ្កាឈូកលាយសតាមបណ្តោយមហាវិថីព្រះមុនីវង្ស ពីជើងទៅត្បូង រេពេញផ្លូវ បានទៅបុកគូទរថយន្តហាយឡែនឌ័រ ពណ៌ស្ករ ដែលកំពុងចតលើចិញ្ចើមផ្លូវបណ្តាលឱ្យបែកស្តុបក្រោយផ្នែកខាងឆ្វេងនិងរលាត់ថ្នាំ ឯមូ៉ូតូបានបែកចង្កៀងមុខកាលពីវេលាម៉ោង១និង២៥នាទីឈានចូលថ្ងៃទី១៦ កក្កដា នៅខាងត្បូងស្តុបពេទ្យចិន ក្នុងសង្កាត់បឹងកេងកង២ ខណ្ឌចំការមន ។
ប្រភពព័ត៌មាននៅកន្លែងកើតហេតុបានឱ្យដឹងថា បុរសខាងលើបានជិះម៉ូតូម៉ាកអាយខន ពណ៌ផ្កាឈូកលាយស តាមបណ្តោយមហាវិថីព្រះមុនីវង្ស ពីជើងទៅត្បូង ក្នុងសភាពស្រវឹងជោកជាំ ហើយបានបើកម៉ូតូរេពេញផ្លូវ ក៏ជ្រុលទៅបុកគូទរថយន្តហាយឡែនឌ័រ ពណ៌ស្ករ មួយគ្រឿងដែលចតចោលនៅលើចិញ្ចើមផ្លូវ បណ្តាលឱ្យរថយន្តបែកស្តុបក្រោយផ្នែកខាងឆ្វេង ។
ចំណែកអ្នកបើកម៉ូតូគ្រាន់តែរបួសស្រាល រីឯម៉ូតូបានបែកចង្កៀងខាងមុខ ។ ក្រោយពេលកើតហេតុ ប៉ូលិសចរាចរបានចុះទៅវាស់វែង តែខាងភាគីម៉ូតូបានយល់ព្រមចេញថ្លៃជួសជុលរថយន្ត ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]