សាលារៀននៅក្នុង ប្រទេសថៃឡង់ដ៏ ចំនួន១៨កន្លែង ត្រូវបិទទ្វារបន្ទាប់ ពីផ្ទុះរោគចម្លែក

បាងកកៈ យោងតាមទីភ្នាក់ងារ ព័ត៌មានចិន “ស៊ិនហួ” ចុះផ្សាយនៅ ថ្ងៃទី១៧ ខែកក្កដា ឆ្នាំ២០១២ថា សាលារៀន នៅក្នុងប្រទេសថៃឡង់ដ៏ ចំនួន ១៨កន្លែង ត្រូវបានបិទទ្វារ បន្ទាប់ពីផ្ទុះរោគ ចម្លែកកើតនៅ លើជើង ដៃ និងមាត់ ។

លោក ម៉ាលីនី ស៊ុកវ៉េវ័ររ៉ាក់គី “Malinee Sukvejvorakij” អភិបាលរងក្រុងបាងកក បានលើកឡើង នៅថ្ងៃអង្គារនេះថា សាលាក្រុងនៅបាងកក បាន ចេញប្រកាសមួយ ដោយបង្គាប់បញ្ជា ឱ្យសាលាចំនួន ១៨កន្លែងបិទទ្វារមួយរយៈ បន្ទាប់ពីមានករណីផ្ទុះរោគ ចម្លែកដែលកើតឡើង នៅលើមាត់ ជើង និងដៃ ឬហៅកាត់ថា “HFMD ” ។

អភិបាលរងរូបនេះបានបញ្ជាក់ថា សាលាក្រុងរក្សាការបិទនេះ ដើម្បីរង់ចាំមើលសភាព ការណ៍នៃការឆ្លង រាលដាល រោគចម្លែកនេះ ហើយការបិទ សាលានេះដែរ ដើម្បីបញ្ចៀសការរីករាល ដាលរោគឆ្លងចម្លែកនេះ ។

ទាក់ទិននឹងករណីនេះដែរ នាយកដ្ឋានសុខាភិបាលបានឱ្យដឹងថា មានកុមារដែលឆ្លងរោគ ចម្លែកមួយនេះកើន ឡើង ៨៦០នាក់ហើយគិតនៅ ក្នុង ខែមិថុនា កន្លងមកនេះ ប៉ុន្ដែមកដល់ខែកក្កដា នេះបានធ្លាក់ចុះ នៅត្រឹម៣៩១នាក់  ៕

ប្រែសម្រួលៈ សុបញ្ញវ័ន្ដ

ផ្តល់សិទ្ធដោយ ដើមអម្ពិល