ខេត្តបាត់ដំបង ៖ កម្លាំងសមត្ថកិច្ចគ្រប់ស្ថាប័ន តាមបណ្ដាស្រុកមួយចំនួន និងខេត្តបានចេញប្រតិបត្តិការគ្រប់គោលដៅក្រោយពីមានព័ត៌មានថា ស្រ្តីមា្នក់ត្រូវចោរ២នាក់ជិះម៉ូតូស្ទាក់ប្លន់តាមផ្លូវយកម៉ូតូស៊េរីទំនើបមួយគ្រឿងទៅបាត់កាលពីវេលាម៉ោង៨និង៣០នាទីព្រឹកថ្ងៃទី១៧ កក្កដា លើកំណាត់ផ្លូវជាតិលេខ៥៧ (អតីតលេខ១០) ត្រង់ចំណុចវាលបឹងត្រាវ ស្ថិតក្នុងភូមិក្រពើកើត ឃុំភ្នំសំពៅ ស្រុកបាណន់ ប៉ុន្តែក្រោយពីស្រាវជ្រាវជំហានដំបូងសមត្ថកិច្ចដាក់ការសង្ស័យថា «អាចជាការបំប៉ោងសភាពការណ៍»។
នាយនគរបាលប៉ុស្ដិ៍ឃុំភ្នំសំពៅលោកម៉ី ឆេងលី បានប្រាប់ឲ្យដឹងថា ស្រ្តីដែលអះអាងថា ត្រូវចោរប្លន់នោះឈ្មោះផាត់ ស្រីនូ អាយុ២៨ឆ្នាំ នៅភូមិកម្មករ សង្កាត់ស្វាយប៉ោ ក្រុងបាត់ដំបង និងម៉ូតូដែលត្រូវចោរប្លន់ម៉ាកហុងដាឌ្រីមសេរី២០១០ ពណ៌ខ្មៅ។ លោកនាយប៉ុស្តិ៍រូបនេះបានបញ្ជាក់ថា ស្រ្តីរងគ្រោះមិនបានមកប្ដឹងសមត្ថកិច្ចភ្លាមៗនោះទេ ក្រោយពីត្រូវចោរប្លន់ តែបែរជាធ្វើដំណើរទៅផ្ទះ លុះម៉ោងជាង១០នាព្រឹកនោះ ទើបលោកទទួលបានព័ត៌មាននេះ និងក្រោយមកបន្តិច ទើបឃើញនារីនោះមកដាក់ពាក្យបណ្ដឹង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
