រាជធានីភ្នំពេញ ៖ ឧប្បត្តិហេតុគ្រោះថ្នាក់ចរាចរណ៍ដ៏រន្ធត់មួយបានកើតឡើងកាលពី វេលាម៉ោង១១និង៣០នាទីព្រឹកថ្ងៃទី១៧ កក្កដា លើកំណាត់ផ្លូវជាតិលេខ២ មុខរោងចក្រកាត់ដេរ M&V ស្ថិតក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ ។
តាមព័ត៌មានជំហានដំបូងបានឱ្យដឹងថា រថយន្តកូរ៉េ ពណ៌ខៀវ ដឹកអង្ករបានបុករថយន្តកូរ៉េ ពណ៌ស ដឹកកម្មករបណ្តាលឱ្យជ្រុលទៅបុកម៉ូតូឌ្រីមសេ១២៥ ពណ៌ខ្មៅ ដែលមានអ្នកជិះ៣នាក់ បណ្តាលឱ្យស្លាប់២នាក់ និងរបួសធ្ងន់ម្នាក់ ។ ដោយឡែកម៉ូតូគុបក៏ត្រូវបានបុកដែរ បណ្តាលឱ្យស្លាប់ម្នាក់ដែរសរុបស្លាប់៣នាក់ របួសធ្ងន់ម្នាក់នៅកន្លែងកើតហេតុ ។ ក្នុងចំណោមអ្នកស្លាប់មានស្ត្រី២នាក់ផងដែរ ។
មូលហេតុនៃការបុកគ្នានេះ តាមប្រភពព័ត៌មានជំហានដំបូងមិនទាន់ផ្លូវការនៅឡើយថាបណ្តាលមក ពីរថយន្តកូរ៉េដឹកអង្ករដាច់កាឡេ ។ ដោយសារតែគ្រោះថ្នាក់ចរាចរណ៍នេះ បណ្តាលឱ្យកំណាត់ផ្លូវជាតិលេខ២ត្រូវបានកកស្ទះចរាចរយ៉ាង ខ្លាំង ព្រោះចំពេលដែលមានចរាចរទៅមកច្រើន ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]