រាជធានីភ្នំពេញ ៖ បុរសម្នាក់ជិះម៉ូតូឌ្រីសេ១២៥ ស៊េរី២០១០ ហើយឈប់និយាយទូរស័ព្ទ ខណៈនិយាយរួចក៏បញ្ឆេះម៉ូតូធ្វើដំណើរទៅមុខបន្តទៀត ស្រាប់តែមានក្មេងស្ទាវ១ក្រុមមានគ្នា១៥នាក់ ដែលអង្គុយទៅក្បែរនោះនាំគ្នាដេញតាមព្រួតវាយធ្វើឱ្យបុរសរង គ្រោះជិះម៉ូតូក្នុងល្បឿនលឿនដើម្បីគេច បណ្តាលឱ្យដួលម៉ូតូបោកទៅលើទ្រូងផ្លូវរងរបួសបែកក្បាលពីក្រោយ និងបែកមុខហូរឈាមស្រោចពេញខ្លួន កាលពីវេលាម៉ោង១២និង៧នាទីអធ្រាត្រឈានចូលថ្ងៃទី១៧ កក្កដា ២០១២ ស្ថិតក្នុងសង្កាត់ស្រះចក ខណ្ឌដូនពេញ ។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុបុរសរងគ្រោះបានជិះម៉ូតូឌ្រីមសេ១២៥ ពណ៌ខ្មៅ មួយគ្រឿង តាមបណ្តោយផ្លូវលេខ៨៦ ពីកើតទៅលិច ស្រាប់តែមកដល់ចំណុចកើតហេតុបានឈប់ម៉ូតូនិយាយទូរស័ព្ទ ខណៈនិយាយទូរស័ព្ទរួចប្រមាណ៥នាទី ក៏បញ្ឆេះម៉ូតូធ្វើដំណើរទៅមុខបន្តទៀត ស្រាប់តែមានក្រុមក្មេងស្ទាវប្រមាណ១៥នាក់ បាននាំ គ្នាស្ទាក់ដេញព្រួតវាយដោយមានដុំថ្ម និងដំបងធ្វើឱ្យបុរសរងគ្រោះភ័យខ្លាចបើកម៉ូតូក្នុងល្បឿនលឿន ដើម្បីគេច ក៏បណ្តាលឱ្យដួលបោកក្បាលទៅនឹងផ្លូវរបួសបែកក្បាល និងបែកមុខហូរឈាមស្រោចពេញខ្លួន ។
ភ្លាមៗជនរងគ្រោះត្រូវបាន ប្រជាពលរដ្ឋរស់នៅក្បែរនោះជួយអន្តរាគមន៍ដោយហៅប៉ូលិស និងបានបញ្ជូនទៅមន្ទីរពេទ្យ រីឯក្រុមក្មេងស្ទាវនាំគ្នាដាក់មេប្រូចបាត់អស់ ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
