រាជធានីភ្នំពេញ ៖ បុរសម្នាក់រងរបួសដាច់បាតដៃខាងឆ្វេងលេចពីម្ខាងទៅម្ខាងទៀត និងរយះស្មាដេរ២ថ្នេរ ខណៈមានទំនាស់កើតហិង្សាកាប់គ្នាកើតឡើងនៅក្នុងផ្សារ នាគមាស សង្កាត់ផ្សារដើមគ ខណ្ឌទួលគោក កាលពីវេលាម៉ោង៩ និង៣០នាទីយប់ថ្ងៃទី១៥ កក្កដា ។
បុរសដែលត្រូវគេកាប់មានឈ្មោះងី សុភ័ក្ត្រ អាយុ៣២ឆ្នាំ ជាថៅកែរថយន្តដឹកទំនិញ ស្នាក់នៅសង្កាត់ស្ទឹងមានជ័យ ខណ្ឌមានជ័យ ។ ចំណែកជនដៃដល់មានឈ្មោះម៉ៅ ភេទប្រុស ជាអ្នកលក់បន្លែ បន្ទាប់ពីកាប់ជនរងគ្រោះឱ្យរបួស ហើយរត់គេចខ្លួនបាត់ស្រមោល ។បើតាមសម្តីរបស់សាច់ញាតិជនរងគ្រោះបានឱ្យដឹងថា មូលហេតុដែលឈានទៅដល់ការកាប់ចាក់គ្នានេះ ដោយសារតែប្រពន្ធរបស់ឈ្មោះម៉ៅ បានខាំស្លឹកត្រចៀកឈ្មោះងី សុភ័ក្រ្ត នៅក្នុងពិធីជប់លៀងមួយ ។ លុះពេលត្រឡប់មកដល់ផ្សារនាគមាសវិញ ក៏កើតទៅជាទំនាស់ពាក្យសម្តីគ្នា រហូតឈ្មោះម៉ៅ យកកាំបិតទៅកាប់ឈ្មោះងី សុភ័ក្ត្រ តែម្តង ។ ជនរងគ្រោះត្រូវបានដឹកបញ្ជូនទៅព្យាបាលនៅមន្ទីរពេទ្យព្រះកុសុមៈ ហើយក្រុមគ្រួសារបានទៅដាក់ពាក្យបណ្តឹងតាមចាប់ខ្លួនជនបង្កយក មកផ្តន្ទាទោសតាមច្បាប់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]