ខេត្តបាត់ដំបង ៖ ជនម្នាក់ស្ថិតក្នុងស្ថានភាពស្រវឹងជោកជាំដែលអះអាងថា ខ្លួនជាមន្ត្រីយោធា និងជាកូនប្រុសរបស់លោកមេឃុំម្នាក់នៅស្រុកសង្កែ បាននាំបក្សពួក២នាក់ទៀតជិះរថយន្តឡិចស៊ីសមីនី ពណ៌ស្ករ មួយគ្រឿងទៅបង្កជម្លោះដោយចេតនាជាមួយកម្លាំងនគរបាលព្រហ្មទណ្ឌ ខេត្តជិត២០នាក់ ដែលកំពុងចុះប្រតិបត្តិការត្រួតពិនិត្យអាវុធជាតិផ្ទុះ ដោយបានចោទសមត្ថកិច្ចថា ជាអ្នកចាប់យកម៉ូតូរបស់ខ្លួនទៅរក្សាទុកពេលខ្លួនធ្វើដំណើរក្នុង ស្ថានភាពស្រវឹង ។
ការប៉ះទង្គិចគ្នាដែលបង្កដោយជនប្រមឹកមួយ ក្រុមនេះបានធ្វើឱ្យមានការភ្ញាក់ផ្អើលយ៉ាងខ្លាំងកាលពីវេលា ម៉ោង១០យប់ថ្ងៃទី១៤ កក្កដា នៅចំណុចខាងមុខសាកលវិទ្យាល័យបញ្ញាសាស្ត្រ ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ក្នុងគ្រាដែលកងកម្លាំងសមត្ថកិច្ចកំពុងប្រតិបត្តិការត្រួត ពិនិត្យអាវុធជាតិផ្ទុះនៅទីនោះ ។ ប៉ុន្តែអ្វីដែលធ្វើឱ្យកម្លាំងសមត្ថកិច្ចកាន់តែក្តៅក្រហាយនោះ គឺនៅពេលឃើញក្រុមនេះបានដំឡើងសរសៃ.ក កាន់តែខ្លាំងបែបព្រហើនទៅលើលោកជេត វណ្ណនី ស្នងការរងខេត្តដែលលោកកំពុងដឹកនាំកិច្ចប្រតិបត្តិការនេះ ខណៈដែលលោកព្យាយាមពន្យល់អំពីហេតុផលប្រាប់ពួកគេ តែគេមិនស្តាប់រហូតឈានដល់ការនាំខ្លួនជននេះទៅសួរនាំនៅស្នងការ ដ្ឋាននគរបាលខេត្តតែម្តង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]