រាជធានីភ្នំពេញ ៖ បុរសម្នាក់របួសធ្ងន់ និងម្នាក់ទៀតរងរបួសស្រាល ខណៈពេលចេញពីផឹកស៊ីជិះម៉ូតូទៅបុកគូទរថយន្តដែលកំពុងឈប់រង់ ចាំភ្លើងស្តុប បណ្តាលឱ្យរថយន្តផុងគូទក្រោយ និងបែកកញ្ចក់មួយផ្ទាំង ចំណែកម៉ូតូខ្ទេចក្បាលខាងមុខទាំងស្រុង។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង៩និង៣០នាទីយប់ ថ្ងៃទី១៣ កក្កដា នៅចំណុចស្តុបពេទ្យចិន តាមបណ្តោយមហាវិថីព្រះសីហនុ ស្ថិតក្នុងសង្កាត់ចតុមុខ ខណ្ឌដូនពេញ ។
បើតាមសម្តីជនរងគ្រោះឈ្មោះស៊ុន សិលា ភេទប្រុស អាយុ២២ឆ្នាំ រងរបួសស្រាល ជាជាងភ្លើង ស្នាក់នៅជិតវត្តចិនដំដែកបានឱ្យដឹងថា មុនពេលកើតហេតុពួកគេមានគ្នា៦នាក់ ជិះម៉ូតូ៣គ្រឿងនាំគ្នាទៅផឹកស៊ីទៅទីក្រុងកោះពេជ្រ។ លុះផឹកស្រវឹង ហើយក៏នាំគ្នាជិះម៉ូតូត្រឡប់ទៅផ្ទះវិញ ខណៈពេលជិះមកដល់ចំណុចខាងលើក៏ជ្រុលទៅបុកគូទរថយន្តរ៉េវហ្វ័រ រងរបួសតែម្តង ។ ក្រោយពេលកើតហេតុរថយន្ត និងម៉ូតូត្រូវសមត្ថកិច្ចយកទៅរក្សាទុកនៅការិយាល័យនគរបាល ចរាចរផ្លូវគោករង់ចាំធ្វើការដោះស្រាយតាមនីតិវិធី ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
