មានគ្រោះថ្នាក់ចរាចរណ៍៤ករណីបានកើតឡើងក្នុង យប់តែ១ គឺនៅយប់ថ្ងៃទី១២ កក្កដា ដែល២ករណីនៅខណ្ឌទួលគោក និង២ករណីទៀតនៅខណ្ឌសែនសុខ បណ្តាលមកពីអ្នកបើកបរស្រវឹង ហើយបញ្ជាយានយន្តទៅបុករបាំងដែកចែកផ្លូវ និងបុកខឿនផ្លូវបណ្តាលឱ្យមនុស្សរបួសធ្ងន់ចំនួន២នាក់ផង ដែរ ។
ករណីទី១ រថយន្តឡិចស៊ីសRx300 ពណ៌សមួួយគ្រឿងជិះគ្នា៣នាក់ បើកបរដោយបុរសស្រវឹងស្រាជោកជាំម្នាក់ក្នុងល្បឿនលឿន ហើយព្យាយាមបើកវ៉ារថយន្តនៅពីមុខក៏ជ្រុលចង្កូតទៅបុករបាំង ដែកពុះចែកទ្រូងផ្លូវពេញទំហឹង បណ្តាលឱ្យបាក់១២ផ្ទាំង ហើយរថយន្តបង្កហេតុបានព្យាយាមបើករត់ក៏ជ្រុលទៅបុកដើមក្ងោក មួយដើមទៀតទៅមុខលែងរួច កាលពីវេលាម៉ោង១១និង១០នាទីយប់ តាមបណ្តោយមហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ ។
យោងតាមសម្តីរបស់លោកថាប់ សារ៉េត នាយផ្នែកសណ្តាប់ធ្នាប់ចរាចរខណ្ឌសែនសុខបានឱ្យដឹងថា រថយន្តឡិចស៊ីសRx300 ពណ៌ស ជិះគ្នា៣នាក់បើកបរដោយបុរសស្រវឹងស្រាជោកម្នាក់បានបើក យ៉ាងលឿន និងរេចង្កូតពេញផ្លូវ ហើយព្យាយាមបើកវ៉ារថយន្តមួយគ្រឿងទៀតនៅពីមុខក៏ជ្រុលចង្កូត ទៅបុករបាំងដែកពុះចែកទ្រូងផ្លូវពេញទំហឹង បណ្តាលឱ្យបាក់១២ផ្ទាំង ហើយរថយន្តបង្កហេតុក៏ព្យាយាមបើកទៅមុខទៀត បុកនឹងដើមក្ងោកទៅមុខលែងរួចតែម្តង ។ លោកបញ្ជាក់ថា អ្នកបើកបររថយន្តស្ថិតក្នុងសភាពស្រវឹងស្រាជោកជាំ ។ ក្រោយពេលកើតហេតុប៉ូលិសចរាចរបានយករថយន្តបង្កហេតុទៅរក្សា ទុកនៅសាលារាជធានីភ្នំពេញរង់ចាំការដោះស្រាយ ។
ករណីទី២ រថយន្តកាម៉ារីឆ្លាមមួយគ្រឿង បើកបរដោយបុរសម្នាក់ទំនងជាស្រវឹងស្រាបើកក្នុងល្បឿនលឿន និងរេចង្កូតពេញផ្លូវ បានព្យាយាមបើកវ៉ារថយន្តមួយគ្រឿងទៀតក៏ជ្រុលចង្កូតទៅបុក របាំងដែកពុះចែកទ្រូងផ្លូវពេញទំហឹង បណ្តាលឱ្យបាក់អស់៥ផ្ទាំង ហើយរថយន្តបង្កបានបើករត់គេចបាត់ស្រមោល កាលពីវេលាម៉ោង១១និង៣០នាទីយប់ តាមបណ្តោយមហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ ។
ប្រភពព័ត៌មានបានឱ្យដឹងថា មុនពេលកើតេហតុគេឃើញរថយន្តកាម៉ារីឆ្លាម ពណ៌ខ្មៅមួួយគ្រឿងបើកបរដេោយបុរសម្នាក់ទំនងជាស្រវឹងស្រា ក្នុងទិសដៅពីកើតទៅលិចក្នុងល្បឿនលឿនពេលមកដល់ចំណុចកើត ហេតុបានព្យាយាមបើកវ៉ារថយន្តមួយគ្រឿងនៅពីមុខ ទើបជ្រុលចង្កូតទៅបុករបាំងដែកពុះចែកទ្រូងផ្លូវពេញទំហឹង បណ្តាលឱ្យបាក់៥ផ្ទាំង ហើយរថយន្តបង្កហេតុបានបើករត់គេចបាត់អត់មានរំខានដល់ សមត្ថកិច្ចសោះ ។ ឯសមត្ថកិច្ចបានត្រឹមតែចុះទៅលើកយករបាំងដែកយកទៅរក្សា ទុកនៅសាលារាជធានីភ្នំពេញ ។
ករណីទី៣ យុវជនស្រវឹងស្រាជោកជាំ២នាក់បានបើកម៉ូតូSL ពណ៌ទឹកប្រាក់មួយគ្រឿងក្នុងល្បឿនលឿន និងេរចង្កូតពេញផ្លូវ ហើយព្យាយាមបើកវ៉ាគេឯងក៏ជ្រុលចង្កូតទៅបុកខឿនផ្លូវ ក្រោមស្ពានអាកាស៧មករាពេញទំហឹងបណ្តាលឱ្យបុរសម្នាក់ជាអ្នក បើកម៉ូតូសន្លប់ស្តូកស្តឹងប្រហែល៥នាទី ឯបុរសម្នាក់ទៀតអង្គុយក្រោយហោះខ្ទាត់ពីម៉ូតូប្រហែល១០ម៉ែត្រ រងរបួសធ្ងន់ត្រូវបានបងប្អូនដឹកយកទៅសង្គ្រោះបន្ទាន់នៅមន្ទី រពេទ្យព្រះកុសុមៈ ។ ហេតុការណ៍នេះកើតឡើងកាលពីវេលាម៉ៅង១១និង៤៥នាទីយប់ តាមបណ្តោយផ្លូវកម្ពុជាក្រោម សង្កាត់ទឹកល្អក់ទី១ ខណ្ឌទួលគោក ក្រោមស្ពានអាកាស៧មករា ។
យោងតាមប្រភពព័ត៌មានពីសមត្ថកិច្ចខណ្ឌទួលគោក បានឱ្យដឹងថា មុនពេលកើតហេតុម៉ូតូSL ពណ៌ទឹកប្រាក់ជិះគ្នា២នាក់បើកបរដោយយុវជនស្រវឹងស្រាជោក ជាំម្នាក់មិនស្គាល់អត្ត សញ្ញាណបានបើកយ៉ាងលឿនក្នុងទិសដៅពីកើតទៅលិចតាមផ្លូវ កម្ពុជាក្រោម ស្រាប់តែមកដល់ចំណុចកើតហេតុក៏ព្យាយាមបើកម៉ូតូវ៉ាគេឯង ពេញផ្លូវក៏ជ្រុលចង្កូតទៅបុកខឿនផ្លូវក្រោមស្ពានអាកាស ៧មករា បណ្តាលឱ្យម៉ូតូដួលប្រាវហើយអ្នកបើកសន្លប់ស្តូកស្តឹងប្រហែល ៥នាទីទើបដឹងខ្លួន ឯបុរសម្នាក់ទៀតជិះពីក្រោយរងរបួសធ្ងន់ធ្ងរត្រូវបាន មិត្តភក្តិដឹកតាមម៉ូតូយកទៅសង្គ្រោះនៅមន្ទីរពេទ្យព្រះ កុសុមៈ ។
ដោយឡែកករណីទី៤ រថយន្តកាម៉ារីគូទហើម ពណ៌ប្រផេះមួយគ្រឿងជិះគ្នា២នាក់បើកបរដោយបុរសស្រវឹងស្រាជោក ជាំម្នាក់យ៉ាងលឿនហើយរេចង្កូតទៅបុកខឿនផ្លូវក្រោមស្ពាន អាកាស៧មករាដែរ បណ្តាលឱ្យខឿនផ្លូវបែកបាក់តិចតួច ហើយរថយន្តបង្កហេតុព្យាយាមបើករត់ទាំងបែកកង់មុខខាង ឆ្វេងបានប្រហែល១០០ម៉ែត្រក៏ត្រូវប៉ូលិសចរាចរដែលឈរជើង ប្រចាំការនៅទីនោះដេញតាមចាប់បានវិញ កាលពីវេលាម៉ោង១១និង៥៥នាទីយប់ តាមបណ្តោយផ្លូវកម្ពុជាក្រោមកែងមហាវិថីសហព័ន្ធរុស្ស៊ី សង្កាត់ទឹកល្អក់ទី១ ខណ្ឌទួលគោល ។
យោងតាមប្រភពព័ត៌មានពីប៉ូលិសចរាចរដែលឈរជើង ប្រចាំការក្រោមស្ពានអាកាស៧មករាបានឱ្យដឹងថា មុនពេលកើតហេតុរថយន្តកាម៉ារីគូទហើម ពណ៌ប្រផេះជិះគ្នា២នាក់បើកបរដោយបុុរសស្រវឹងស្រាជោកជាំ ម្នាក់ក្នុងល្បឿនលឿនក្នុងទិសដៅពីកើតទៅលិចតាមផ្លូវកម្ពុជា ក្រោមស្រាប់តែមកដល់ចំណុចកើតេហតុក៏បានរេចង្កូតទៅបុក ខឿនផ្លូវចំពីមុខយ៉ាងពេញទំហឹងបណ្តាលឱ្យខឿនផ្លូវបែកបាក់តិច តួច ឯរថយន្តបង្កហេតុក៏ព្យាយាមបើករថយន្តរត់គេចទាំងរថយន្តបែក កង់មុខខាងឆ្វេងបានប្រហែល១០០ម៉ែត្រក៏ត្រូវប៉ូលិសចរាចរដេញតាម ចាប់បានវិញ ដោយឃាត់ខ្លួនបុរសស្រវឹងស្រាទាំង២នាក់នោះ និងរថយន្តបង្កហេតុយកទៅរក្សាទុកនៅសាលារាជធានីភ្នំពេញរង់ចាំ ការដោះស្រាយ បើស្រវឹងកុំបើកបរ បើបើកបរទាំងស្រវឹងគឺមានគ្រោះថ្នាក់បែបនេះឯង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]