រាជធានីភ្នំពេញ ៖ ផ្ទះស្នាក់នៅជិតមន្ទីរពេទ្យព្រះកុសុមៈ បែរជាជិះម៉ូតូទៅតាមផ្លូវជាតិលេខ៦ទៅវិញ ដោយសារតែស្រវឹងជោកជាំខ្លាំងពេកវង្វេងផ្លូវទៅផ្ទះ ទាល់តែជិះម៉ូតូបុករឺុម៉កម៉ូតូដែលបើកឆ្លងផ្លូវ បណ្តាលឱ្យបែកមុខមាត់មើលលែងស្គាល់ទើបស្វាងពីស្រវឹង រកផ្លូវទៅផ្ទះឃើញ ។ ហេតុការណ៍នេះបានកើតឡើងកាលពីវេលាម៉ោង៩និង៣០នាទីយប់ ថ្ងៃទី១២ កក្កដា លើកំណាត់ផ្លូវជាតិលេខ៦ ស្ថិតក្នុងភូមិកៀនឃ្លាំង សង្កាត់ជ្រោយចង្វា ខណ្ឌប្ញស្សីកែវ ។
សាក្សីឃើញហេតុការណ៍ឱ្យដឹងថា ម៉ូតូសេ១២៥ សេ៊រី២០១២ ពណ៌ខ្មៅ អត់ស្លាកលេខ ជិះម្នាក់ឯងពីលិចទៅកើត ចំណែករ៉ឺម៉កម៉ូតូបើកឆ្លងផ្លូវពីជើងទៅត្បូងត្រូវម៉ូតូ ជិះមកដល់បុកដួលច្រងាប់ច្រងិលម្នាក់ឯង ។ រីឯរឺុម៉កម៉ូតូពេលឃើញម៉ូតូបុកដួលរងរបួសហើយ មិនបានឈប់ទេ បានបន្ថែមល្បឿនទៅទិសខាងលិចបាត់ស្រមោល ។
យុវជនជិះម៉ូតូវង្វេងផ្លូវឈ្មោះ ស្រីុ លីហុង អាយុ១៩ឆ្នាំ ស្នាក់នៅជិតមន្ទីរពេទ្យព្រះកុសុមៈបាននិយាយថា មុនពេលកើតហេតុរូបគេជិះម៉ូតូឌ្រីមសេ១២៥ ពណ៌ខ្មៅ ទៅផឹកសីុជាមួយមិត្តភក្តិក្នុងហាងមួយ ។ លុះពេលផឹកសីុស្រវឹង បាននាំគ្នាជិះម៉ូតូត្រឡប់ទៅផ្ទះរៀងខ្លួន ។ ដោយសារតែស្រវឹងខ្លាំងពេកមិនដឹងផ្លូវណាត្រឡប់ទៅផ្ទះ វិញ យុវជននោះក៏ចេះតែជិះម៉ូតូទៅ ពេលមកដល់ផ្លូវជាតិលេខ៦ បានជិះទៅបុករឺុម៉កម៉ូតូដែលកំពុងតែបត់ឆ្លងផ្លូវ ធ្វើឱ្យដួលច្រងាប់ច្រងិលម្នាក់ឯងបែកមុខមាត់ហូរឈាមស្រោច មើលលែងយល់ ទើបស្វាងពីស្រវឹងហៅរឺុម៉កម៉ូតូជិះដឹកម៉ូតូត្រឡប់ទៅ ផ្ទះវិញ ដោយមិនរំខានដល់ប៉ូលិសឡើយ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
