រាជធានីភ្នំពេញ ៖ បុរសម្នាក់បានស្លាប់បាត់បង់ជីវិតភ្លាមៗនៅកន្លែងកើតហេតុ ខណៈពេលជិះម៉ូតូមួយគ្រឿងម៉ាកឌ្រីមសេ១២៥ ពណ៌ខ្មៅ ត្រូវរថយន្តឡិចស៊ីស RX300 បើកបរដោយជនបរទេសម្នាក់ទៅបុកពេញទំហឹងនៅតាមមហាវិថី សហព័ន្ធរុស្ស៊ី ទល់មុខស្ថានីយប្រេងឥន្ធនៈសូគីមិុច សង្កាត់ចោមចៅ ខណ្ឌពោធិ៍សែនជ័យ កាលពីវេលាម៉ោង៨និង៤៥នាទីយប់ថ្ងៃទី១២ កក្កដា។
ប្រភពព័ត៌មានបានឱ្យដឹងថា មុនពេលកើតហេតុ រថយន្តឡិចស៊ីសRX300 ពណ៌ទឹកប្រាក់ មួយគ្រឿង បើកបរដោយជនបរទេសម្នាក់ក្នុងទិសដៅ ពីត្បូងទៅជើង ចំណែកម៉ូតូសេ១២៥ ស៊េរី២០០៧ ពណ៌ខ្មៅ មួយគ្រឿង បើកបរដោយបុរសម្នាក់ពីជើងទៅត្បូង ក្នុងទិសដៅបញ្រ្ចាសគ្នា ខណៈមកដល់ចំណុចខាងលើរថយន្តឡិចស៊ីស បើកវ៉ារថយន្តមួយគ្រឿងទៀត ហៀរចូលចំណែកផ្លូវខាងម៉ូតូក៏បុកគ្នាពេញទំហឹងបណ្តាលឱ្យអ្នក បើកម៉ូតូដួលខ្ទាតទៅចិញ្ចើមផ្លូវបោកក្បាលស្លាប់បាត់បង់ជីវិត នៅកន្លែងកើតហេតុ ។ រថយន្តបង្កខូចខាតមួយចំហៀងខាងឆ្វេង និងបែកកញ្ចក់ផ្នែកខាងមុខ រីឯម៉ូតូរបស់ជនរងគ្រោះខូចខាតស្ទើរទាំងស្រុង ។
ភ្លាមនោះរថយន្តបង្កព្យាយាមបើករត់បានបន្តិចទៅ មុខលែងរួចត្រូវសមត្ថកិច្ចឃាត់បានរួមជាមួយម៉ូតូយកទៅរក្សា ទុកនៅការិយាល័យនគរបាលចរាចរណ៍ផ្លូវគោក ។ ចំណែកសពមិនស្គាល់អត្តសញ្ញាណទេ ដោយសារនៅជាប់ខ្លួនជនរងគ្រោះមិនមានលិខិតសម្គាល់ខ្លួន ហើយត្រូវបានសមត្ថកិច្ចយកទៅតម្កល់ទុកនៅវត្តទឹកថ្លារង់ចាំបងប្អូន មកទទួលយកទៅធ្វើបុណ្យតាមប្រពៃណី ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]