កាសែតLES ECHOS ជាកាសែតសេដ្ឋកិច្ចរបស់បារាំងរាយការណ៍ថាក្រុមហ៊ុន SAMS-UNG ELECTRONICS CO ជាក្រុមហ៊ុនទូរស័ព្ទចល័តធំជាងគេបំផុតលើពិភពលោកបានលក់ ទូរស័ព្ទទំនើបធុន GALAXY S-3 របស់ខ្លួនដាច់អស់ដល់ទៅ៦,៥លានគ្រឿងនៅលើទីផ្សារពិភពលោក ចាប់តាំងពីទូរស័ព្ទធុននេះចេញលក់ពីខែឧសភាមក ។
យោងតាមអត្ថបទចេញផ្សាយតាមអុីនធើរណេតកាលពី ថ្ងៃទី១៣កក្កដាកាសែតLES ECHOS រៀបរាប់ថា GALAXY S-3 ជាទូរស័ព្ទជំនាន់ទី៣ មកដល់ដំណាច់ត្រីមាសទី២ លក់ដាច់អស់សរុប៦,៥លានគ្រឿង។ បើយោងតាមធនាគារវិនិយោគ JP MORGAN ថា GALAXY S-3 អាចលក់បានដល់ទៅ១៥លានគ្រឿងសម្រាប់ត្រីមាសទី៣ ។
កាសែតបារាំងនេះពន្យល់ថា ការលក់ដាច់ច្រើនបែបនេះ ដោយសារការជំរុញផ្សព្វផ្សាយពីទូរស័ព្ទមានបញ្ញានេះរបស់ SAMSUNG ក្នុងទីផ្សារអាមេរិកនិងអឺរ៉ុប ។ក្រុមហ៊ុនSAMSUNG ទើបនឹងលុបបំបាត់ការព្រួយបារម្ភដែលទាក់ទិនដល់ការហាមឃាត់ ជាយថាហេតុនូវការលក់GALAXY S-3 នៅសហរដ្ឋអាមេរិកដោយធ្វើការកែប្រែ LOGICIEL របស់ខ្លួន ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]