រាជធានីភ្នំពេញ ៖ ទីបំផុតអាថ៌កំបាំងរវាងតារាចម្រៀងលោកអឹុង ប៊ុនលាភ និងភរិយាបានឡើងដល់តុលាការ ហើយស្វាមីភរិយាមួយគូនេះបានឡើងតទល់គ្នានៅសាលាដំបូងរាជធានីភ្នំពេញកាលពីថ្ងៃទី១២ កក្កដា ឆ្នាំ២០១២ តាមបណ្តឹងលោកអឹុង ប៊ុនលាភ ប្តឹងចោទភរិយា គឺអ្នកស្រី ម៉ុក ភក្តី កុំឲ្យមករំខានជីវិតឯកជនរបស់ខ្លួន បន្ទាប់ពីមានការផ្សព្វផ្សាយដ៏គួរឲ្យភ្ញាក់ផ្អើលអំពីការបាត់ខ្លួនតារាចម្រៀងរូបនេះ។
ជួបសម្ភាសន៍ជាមួយកោះសន្តិភាពកាលពីម្សិលមិញអ្នកស្រី ម៉ុក ភក្តី ដែលជាភរិយាលោកអឹុង ប៊ុនលាភ បាននិយាយថា រវាងអ្នកស្រី និងស្វាមីបានជួបមុខគ្នារួចហើយនៅសាលាដំបូងរាជធានីភ្នំពេញ កាលពីថ្ងៃទី១២ កក្កដា តាមពាក្យបណ្តឹងរបស់លោកអឹុង ប៊ុនលាភ ហើយពាក្យបណ្តឹងនោះបានធ្វើឡើងក្រោយពេលដែលស្វាមីអ្នកស្រីបានចុះចេញពីផ្ទះដោយមិនមានដំណឹង។
អ្នកស្រី ម៉ុក ភក្តី បានបញ្ជាក់ថា ប្រឈមជាមួយពាក្យបណ្តឹងរបស់ស្វាមីនោះអ្នកស្រីក៏បានប្តឹងតបវិញផងដែរ ដោយប្តឹងទាមទារទ្រព្យសម្បត្តិដែលលោកអឹុង ប៊ុនលាភ បានបំផ្លាញកាលពីនៅរួមរស់ជាមួយគ្នាជាថ្នូរនឹងការព្រមផ្តិតមេដៃលែងលះនេះ។
យោងតាមពាក្យបណ្តឹងតបចុះថ្ងៃទី១១ កក្កដា ២០១២ អ្នកស្រី ម៉ុក ភក្តី បានស្នើសុំឲ្យតុលាការផ្តាច់សង្វាស់រវាងអ្នកស្រី និងលោក អឹុង ប៊ុនលាភ និងបង្គាប់ឲ្យឈ្មោះអឹុង ប៊ុនលាភ ប្រគល់រថយន្តចំនួន៦គ្រឿង ក្នុងនោះម៉ាកឡិចស៊ីស RX300 ពណ៌ខ្មៅ ចំនួន២គ្រឿង ពណ៌ស្ករ ចំនួន២គ្រឿង និងពណ៌ផ្ទៃមេឃ ចំនួន១គ្រឿង និងរថយន្តម៉ាកឡង់គ្រីស្ស័រ ពណ៌ស ចំនួន១គ្រឿង ម៉ូតូម៉ាក XL ពណ៌ខ្មៅ ចំនួន១គ្រឿងរួមទាំងខ្សែដៃ ខ្សែ.ក និងចិញ្ចៀនពេជ្រមួយចំនួនផងដែរ។
ក្រៅពីនោះក្នុងពាក្យបណ្តឹងក៏មានការទាមទារឲ្យលោកអឹុង ប៊ុនលាភ សងលុយដែលយកទៅធ្វើផ្ទះឲ្យម្តាយចំនួន៣ម៉ឺនដុល្លារអាមេរិកផងដែរ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
