រាជធានីភ្នំពេញ ៖ បុរសម្នាក់ស្លាប់ភ្លាមៗនៅនឹងកន្លែងក្នុងហេតុការណ៍គ្រោះថ្នាក់ចរាចរណ៍បង្កឡើងដោយរថយន្តឡិចស៊ីស RX300 បើកបរដោយជនបរទេសបុកម៉ូតូឌ្រីមសេ១២៥ ស៊េរី២០០៧ ពណ៌ខ្មៅ ពេញទំហឹងនៅតាមមហាវិថីសហព័ន្ធរុស្ស៊ី ទល់មុខស្ថានីយប្រេងឥន្ធនៈស៊ូគីម៉ិច ក្នុងសង្កាត់ចោមចៅ ខណ្ឌពោធិ៍សែនជ័យ កាលពីវេលាម៉ោង៨និង៤៥នាទីយប់ថ្ងៃទី១២ កក្កដា ។
ក្រោយពេលកើតហេតុរថយន្តបង្ករងការខូចខាតមួយចំហៀងខាងឆ្វេង និងបែកកញ្ចក់ផ្ទាំងខាងមុខ ព្យាយាមបើករត់បានបន្តិចទៅមុខលែងរួចក៏ត្រូវសមត្ថកិច្ចឃាត់បាន រីឯម៉ូតូជនរងគ្រោះខូចខាតស្ទើរទាំងស្រុងត្រូវសមត្ថកិច្ចយកទាំងរថយន្ត និងម៉ូតូទៅរក្សាទុកនៅការិយាល័យនគរបាលចរាចរផ្លូវគោក ។ ចំណែកសពជនរងគ្រោះពុំទាន់ស្គាល់អត្តសញ្ញាណនៅឡើយ ដោយសារនៅជាប់នឹងខ្លួនមិនមានលិខិតសម្គាល់ខ្លួនហើយត្រូវបានយកទៅតម្កល់ទុកនៅវត្តទឹកថ្លារង់ចាំបងប្អូនមកទទួលយកទៅធ្វើបុណ្យតាមប្រពៃណី។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]