ក្រុងប៉ោយប៉ែត ៖ សពបុរសម្នាក់ ត្រូវបានអ្នកស្រុកប្រទះឃើញដេកស្លាប់ក្បែរដងផ្លូវជាតិលេខ៥ កាលពីវេលាម៉ោងជិត៤សៀលថ្ងៃទី១២ កក្កដា ២០១២ នៅភូមិកូនដំរីសង្កាត់និមិត្ត ក្រុងប៉ោយប៉ែត ។ជនរងគ្រោះដែលស្លាប់បាត់បង់ជីវិតឈ្មោះសាល ហៅយួន អាយុ២៨ឆ្នាំ មានទីលំនៅភូមិក្បាលស្ពាន១ សង្កាត់ប៉ោយប៉ែត ។
តាមប្រភពពីអ្នកស្រុកឱ្យដឹងថា បុរសរងគ្រោះ មុនពេលស្លាប់គេឃើញរត់តាមផ្លូវរថភ្លើងពីលិចទៅកើត និងរត់ចូលផ្សារកូនដំរីយកដុំថ្មគប់គេឯង ហើយនិយាយលែងដឹងខុសត្រូវ ។ ប្រភពបន្តទៀតថា បន្ទាប់ពីចេញពីផ្សារនោះប្រហែលមួយម៉ោងក្រោយមក ក៏ត្រូវគេប្រទះឃើញដេកស្លាប់តែម្តង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
