រាជធានីភ្នំពេញ ៖ យុវជនម្នាក់បានរងរបួសធ្ងន់ធ្ងរ ដោយសារខ្មាន់កាំភ្លើងមិនស្គាល់អត្តសញ្ញាណមួយក្រុមជិះម៉ូតូតាមបាញ់ ប្រហារ ខណៈពេលដែលយុវជនរងគ្រោះកំពុងជិះម៉ូតូចេញពីកន្លែងផឹកស៊ីនៅ ក្លិបកម្សាន្តយីហោលុច្សសារីស្ថិតនៅតាមផ្លូវលេខ១៩៩ កែងផ្លូវលេខ៣២៨ ដល់ចំណុចផ្លូវលេខ១៩៣ កែងផ្លូវ៣២៨ ស្ថិតក្នុងសង្កាត់ទួលស្វាយយព្រៃទី១ ខណ្ឌចំការមន ចម្ងាយប្រមាណ២០០ម៉ែត្រពីក្លិបកម្សាន្តលុច្សសារី ។
តាមប្រភពព័ត៌មានពីកន្លែងផ្ទុះអាវុធខាងលើនេះ បានឱ្យដឹងថា មុនពេលកើតមានការបាញ់ប្រហារ គឺយុវជនរងគ្រោះរួមជាមួយមិត្តភក្តិចំនួន៤នាក់ បានចូលផឹកស៊ីរាំកម្សាន្តនៅក្លឹបលុច្សសារីតាំងពីម៉ោង៩រហូតដល់ ម៉ោងជាង១រំលងអធ្រាត្រឈានចូលថ្ងៃទី១៣ កក្កដា ២០១២ ទើបនាំមិត្តភក្តិជិះម៉ូតូចេញពីក្លិបកម្សាន្ត បានបន្តិច ក៏ត្រូវជនមិនស្គាល់មុខតាមបាញ់ប្រហារចំនួន៨គ្រាប់ស្រោចពីលើ យុវជនរងគ្រោះបណ្តាលឱ្យគ្រាប់កាំភ្លើងត្រូវចំចង្កេះខាងស្តាំ បៀមគ្រាប់ចូលក្នុងខ្លួនរងរបួសធ្ងន់ធ្ងរត្រូវបញ្ជូនទៅ សង្គ្រោះនៅមន្ទីរពេទ្យមិត្តភាពខ្មែរ-សូវៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]