រាជធានីភ្នំពេញ ៖ យុវជនម្នាក់បើកម៉ូតូឌ្រីមសេ១២៥ ពណ៌ខ្មៅ ស៊េរី២០១២ មួយគ្រឿងក្នុងល្បឿនលឿន ហើយព្យាយាមបើកវ៉ារថយន្តមួយគ្រឿងនៅពីមុខក៏ជ្រុលចង្កូតទៅបុក ស្ត្រីម្នាក់កំពុងដើរឆ្លងថ្នល់បណ្តាលឱ្យដួលរងរបួសធ្ងន់ កាលពីវេលាម៉ោង៥និង៣៥នាទីទៀបភ្លឺថ្ងៃទី១១ កក្កដា តាមបណ្តោយមហាវិថីសហព័ន្ធរុស្ស៊ី សង្កាត់កាកាប ខណ្ឌពោធិ៍សែនជ័យ រួចហើយយុវជនអ្នកបើកម៉ូតូបានរត់ចោលម៉ូតូបាត់ ។
យោងតាមប្រភពព័ត៌មានពីកន្លែងកើតហេតុបានឱ្យ ដឹងថា មុនពេលកើតហេតុគេឃើញម៉ូតូម៉ាកឌ្រីម សេ១២៥ ពណ៌ខ្មៅ ស៊េរី២០១២ មួយគ្រឿង បើកបរដោយយុវជនម្នាក់មិនស្គាល់អត្តសញ្ញាណបានបើកយ៉ាងលឿនតាម មហាវិថីសហព័ន្ធរុស្ស៊ី ក្នុងទិសដៅពីលិចទៅកើត ស្រាប់តែមកដល់ចំណុចកើតហេតុបានព្យាយាមបើកវ៉ារថយន្តមួយគ្រឿង នៅពីមុខក៏ជ្រុលចង្កូតទៅបុកស្ត្រីម្នាក់កំពុងដើរឆ្លងថ្នល់ ចំពីមុខពេញទំហឹង បណ្តាលឱ្យស្ត្រីនោះរងរបួសធ្ងន់ត្រូវបានបងប្អូនដឹកតាមរ៉ឺម៉ក ម៉ូតូកង់៣យកទៅសង្គ្រោះបន្ទាប់នៅមន្ទីរពេទ្យ ។
យុវជនបង្កហេតុបានរត់បាត់នៅសល់តែម៉ូតូនៅ កន្លែងកើតហេតុត្រូវបានប៉ូលិសចរាចរយកទៅរក្សាទុកនៅអធិការដ្ឋាន ខណ្ឌពោធិ៍សែនជ័យ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]