រាជធានីភ្នំពេញ ៖ រថយន្តម៉ាកឡង់គ្រីស្ស័រ ពណ៌សំបកឪឡឹក បានថយមកប៉ះរថយន្តកូរ៉ូឡា ពណ៌ទឹកប៊ិច ខណៈពេលកំពុងធ្វើដំណើរដែលហេតុការណ៍នេះកើតឡើងកាលពីវេលាម៉ោង៥ល្ងាចថ្ងៃទី១១ កក្កដា ២០១២ នៅមុខផ្ទះលេខ១២ លើកំណាត់ផ្លូវលេខ៣៣៤ សង្កាត់បឹងកេងកងទី១ ខណ្ឌចំការមន ។ តែសំណាងល្អពុំបង្កឱ្យនរណាម្នាក់រងរបួស ឬគ្រោះថ្នាក់អ្វីឡើយ។ លើសពីនេះទៅទៀតរថយន្តក៏មិនមានរងការខូចខាតធ្ងន់ធ្ងរនោះទេ ។
ប៉ុន្តែអ្វីដែលជាការកត់សម្គាល់នោះ គឺម្ចាស់រថយន្តទាំងពីរគ្មានការយោគយល់អធ្យាស្រ័យគ្នា ហើយជជែកយកខុសត្រូវរៀងៗខ្លួនរហូតរំខានដល់សមត្ថកិច្ចមូលដ្ឋានដែលកំពុងមមាញឹកក្នុងភារកិច្ចការពារប្រតិភូអាស៊ានចុះទៅអន្តរាគមន៍ ទើបភាគីខាងរថយន្តឡង់គ្រីស្ស័រ ព្រមសងសំណងទៅភាគីរថយន្តកូរ៉ូឡាចំនួន៧០ដុល្លារជាការបញ្ចប់រឿង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]