រាជធានីភ្នំពេញ ៖ ស្របពេលក្បួនគណៈប្រតិភូអាស៊ានបើកឆ្លងកាត់ប៉ូលិសបានឃាត់អ្នកធ្វើដំណើរតាមផ្លូវនោះទាំងអស់ឱ្យឈប់សិន ស្រាប់តែរថយន្តឡិចស៊ីស RX300 ចាប់ហ្វ្រាំងមិនទាន់ជ្រុលទៅបុកគូទរថយន្តកូរ៉ូឡាខ្ទេចស្ទើរទាំងស្រុង ។ គ្រោះថ្នាក់នេះ មិនបណ្តាលឱ្យមានរងរបួសទេ ហេតុការណ៍នេះកើតឡើង កាលពីវេលាម៉ោង១១និង២០នាទីយប់ថ្ងៃទី១១ កក្កដា តាមបណ្តោយមហាវិថីព្រះមុនីវង្សកែងផ្លូវម៉ៅសេទុង ស្ថិតក្នុងសង្កាត់ទន្លេបាសាក់ ខណ្ឌ ចំការមន ។
ក្រោយពេលកើតហេតុភាគីទាំងពីរបានធ្វើការដោះស្រាយគ្នាដោយសន្តិវិធី ដោយខាងរថយន្តកូរ៉ូឡាទាមទារសំណងពីរថយន្តឡិចស៊ីសចំនួន៥០០ដុល្លារ តែខាងរថយន្តឡិចស៊ីសសុំត្រឹម៤០០ដុល្លារ ដើម្បីបញ្ចប់សាច់រឿងនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
