រាជធានីភ្នំពេញ ៖ រថយន្តហាយឡែនឌ័រ ពណ៌ស្ករ បើកបរដោយបុរសម្នាក់ក្នុងល្បឿនលឿន ហើយព្យាយាមបើកវ៉ាម៉ូតូមួយគ្រឿងទៀតនៅពីមុខ ក៏ជ្រុលចង្កូតទៅបុកម៉ូតូស្មាស ពណ៌ខ្មៅ ចំពីក្រោយពេញទំហឹងបណ្តាលឱ្យបុរសម្នាក់ជាអ្នកបើកម៉ូតូរងរបួសធ្ងន់ កាលពីវេលាម៉ោង៥និង១៥នាទីល្ងាចថ្ងៃទី១០ កក្កដា តាមបណ្តោយផ្លូវលេខ២៧១ សង្កាត់ទឹកល្អក់ទី៣ ខណ្ឌទួលគោក ។
យោងតាមប្រភពព័ត៌មានពីកន្លែងកើតេហតុបានឱ្យដឹងថា មុនពេលកើតហេតុ រថយន្តហាយឡែនឌ័រ ពណ៌ស្ករ បើកបរដោយបុរសម្នាក់យ៉ាងលឿនតាមផ្លូវលេខ២៧១ ក្នុងទិសដៅពីត្បូងទៅជើង ស្រាប់តែមកដល់ចំណុចកើតហេតុ រថយន្តបើកវ៉ាម៉ូតូមួយគ្រឿងនៅពីមុខក៏ជ្រុលចង្កូតទៅបុកម៉ូតូស្មាស ពណ៌ខ្មៅមួយគ្រឿងទៀតចំពីក្រោយពេញទំហឹង បណ្តាលឱ្យបុរសអ្នកបើកម៉ូតូរងរបួសធ្ងន់ ត្រូវរថយន្តសាមុយដឹកទៅសង្គ្រោះបន្ទាន់នៅមន្ទីរពេទ្យព្រះកុសុមៈ ឯរថយន្តបង្កបានបើករត់បាត់ ។ក្រោយពេលកើតហេតុម៉ូតូរបស់ជនរងគ្រោះត្រូវបានប៉ូលិសចរាចរណ៍ខណ្ឌទួលគោកយកទៅរក្សាទុកឱ្យនៅអធិការដ្ឋានខណ្ឌ ៕
ផ្តល់សិទ្ធដោយ កោះសន្តិភាព
បញ្ចូលអត្ថបទ ៖ ស្រីណា កោះ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
