រាជធានីភ្នំពេញ ៖ បុរសម្នាក់តូចចិត្តនឹងប្រពន្ធសុំលែងក៏សម្រេចចិត្តគិតខ្លីជិះម៉ូតូទៅលោតទឹកសម្លាប់ខ្លួន តែត្រូវបានសមត្ថកិច្ចសង្កាត់ឃ្មួញ ជួយឃាត់ទាន់ពេលវេលា ដែលហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោងជាង៥ល្ងាចថ្ងៃទី១១ កក្កដា ២០១២ ត្រង់ចំណុចស្ទឹងកំបុតទំនប់កប់ស្រូវ ស្ថិតក្នុងភូមិត្រពាំងរាំងចាស់ សង្កាត់ឃ្មួញ ខណ្ឌសែនសុខ ។
បុរសដែលគិតខ្លីទៅលោតទឹកសម្លាប់ខ្លួននេះឈ្មោះឆាយ រតនៈ អាយុ២៩ឆ្នាំ ជាកម្មករសំណង់ មានប្រពន្ធ ឈ្មោះនួន ស៊ីណេត អាយុ២៦ឆ្នាំ ជាកម្មការិនីរោងចក្រមានកូនស្រីម្នាក់ ស្នាក់នៅក្នុងសង្កាត់ចោមចៅ ខណ្ឌពោធិ៍សែនជ័យ ។ ប្រភពព័ត៌មានឱ្យដឹងថា ប្តីប្រពន្ធមួយគូនេះរៀបអាពាហ៍ពិពាហ៍រយៈពេល៦ឆ្នាំ មកហើយ ហើយរយៈពេល១០ថ្ងៃក្រោយមកនេះ ម្តាយខាងស្រីព្យាយាមបំបែកកូនស្រីឱ្យទៅយកប្តីមួយទៀត ខណៈដែលបុរសខាងលើមិនគិតរកស៊ីគិតតែដើរស៊ីផឹកស្រវឹងរាល់ថ្ងៃនោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
