រាជធានីភ្នំពេញ ៖ នារី៤នាក់ជិះរថយន្តកូរ៉ូឡាហួសផ្លូវបត់ច្រឡំបត់ផ្លូវហាម ឃាត់ ក៏បុកគ្នាជាមួយរថយន្តកូរ៉េបណ្តាលឱ្យរថយន្តទាំងពីរវេរចង្កូត ឡើងលើខឿនសួនច្បារទៅបោកផ្ទប់នឹងដើមចំប៉ីរងរបួសធ្ងន់៣ នាក់ ក្នុងនោះស្រី២នាក់ និងប្រុសម្នាក់ទៀតជាជនជាតិកូរ៉េ ជិះនៅក្នុងរថយន្តកូរ៉េ ។ គ្រោះថ្នាក់នេះកើតឡើងកាលពីវេលាម៉ោង១១និង៤៣នាទីយប់ថ្ងៃទី ១០ កក្កដា តាមមហាវិថីសហព័ន្ធរុស្ស៊ីមុខក្រសួងការពារជាតិ សង្កាត់មិត្តភាព ខណ្ឌ៧មករា ។
នារីជិះរថយន្តកូរ៉ូឡារបួសបែកក្បាល២នាក់ និងស្រាល២នាក់ ចំណែករថយន្តកូរ៉េ ជិះដោយបុរសជនជាតិកូរ៉េរងរបួសបាក់ធ្មេញម្នាក់ និង៣នាក់ទៀតរងរបួសស្រាល ។ នារីរងគ្រោះទាំង២នាក់ត្រូវមិត្តភក្តិដឹកតាមម៉ូតូយកទៅព្យា បាលរបួសនៅគ្លីនិកឯកជនដោយខ្លួនឯង ។ ស្របពេលនោះមានយុវជនម្នាក់ដែលជាពិធីករទូរទស្សន៍បានចេញមុខមក ធានាអះអាងប្រាប់ប៉ូលិសថា រថយន្តនេះជារថយន្តរបស់គេ ហើយនារីទាំង៤នាក់នេះខ្ចីជិះទេ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]