រាជធានីភ្នំពេញ ៖ ជិះម៉ូតូបុកគ្នារងរបួសមិនព្រមធ្វើការដោះស្រាយគ្នាទេ គិតតែពីទូរស័ព្ទហៅបក្សពួកមកអន្តរាគមន៍សូម្បីតែកម្លាំង ប៉ូលិសចុះទៅវាស់វែងក៏មិនខ្វល់ដែរ រហូតធ្វើឱ្យស្ទះចរាចរណ៍រាប់ម៉ោង កាលពីវេលាម៉ោង១២និង២០នាទីថ្ងៃត្រង់ ថ្ងៃទី៩ កក្កដា ចំណុចមុខមន្ទីរពេទ្យមិត្តភាពខ្មែរ-សូវៀត លើផ្លូវលេខ២៧១ ក្នុងសង្កាត់ទំនប់ទឹក ខណ្ឌចំការមន ។
ប្រជាពលរដ្ឋដែលឃើញហេតុការណ៍បានឱ្យដឹងថា ម៉ូតូសេ១២៥ ស៊េរី២០០៩ ពណ៌ខ្មៅ ជិះ២នាក់ប្តីប្រពន្ធ តាមផ្លូវលេខ២៧១ ពីត្បូងទៅជើង ចំណែកម៉ូតូគុបជ្រុង៩០ ពណ៌ទឹកប្រាក់ ជិះស្របទិសគ្នា ខណៈកំពុងតែជិះស្រាប់តែម៉ូតូគុបជ្រុង៩០បត់ឆ្វេងលឿន ស្លេវ មិនបានស៊ីញ៉ូទេ បណ្តាលឱ្យម៉ូតូសេ១២៥ ជាន់ហ្វ្រាំងមិនទាន់បុកពីក្រោយធ្វើឱ្យម៉ូតូគុបដួលរយះ ក្រោមភ្នែក ចំណែកម៉ូតូសេ១២៥ មិនបានដួលទេ តែស្ត្រីជាប្រពន្ធធ្លាក់ពីលើម៉ូតូថ្លោះចង្កេះ ។
អ្នកបើកម៉ូតូសេ១២៥ ឈ្មោះសៀង សូ អាយុ៥៥ឆ្នាំ ជាជាងជួសជុលរថយន្ត មានស្រុកកំណើតខេត្តតាកែវ ប្រពន្ធឈ្មោះ ស្រីមុំ អាយុ៤០ឆ្នាំ ។ អ្នកទាំងពីរជិះម៉ូតូឌុបគ្នាទៅទិញគ្រឿងជួសជុលរថយន្តនៅ ផ្សារច្បារអំពៅ ។ ចំណែកអ្នកជិះម៉ូតូគុបជ្រុងឈ្មោះម៉ៅ វុត្ថា ភេទប្រុស អាយុ២០ឆ្នាំ ជានិស្សិតឆ្នាំទី២ ស្នាក់នៅសង្កាត់ទឹកថ្លា ខណ្ឌសែនសុខ ។
ក្រោយពេលកើេតហេតុភាគីទាំងពីរជជែកតឹង សរសៃកដាក់គ្នាទៅវិញទៅមក ហើយយុវជនដែលជិះម៉ូតូគុបជ្រុងនោះគិតតែពីទូរស័ព្ទហៅបក្សពួក មកជួយអន្តរាគមន៍មិនព្រមដោះស្រាយដោយសន្តិវិធីទេ ធ្វើឱ្យស្ទះចរាចរណ៍រាប់ម៉ោង ។ ក្រោយមកយុវជនខាងម៉ូតូគុបសុខចិត្តសងសំណងចំនួន៣០ដុល្លារទៅ ខាងម៉ូតូសេ១២៥ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
