រាជធានីភ្នំពេញ ៖ បុរសចំណាស់ម្នាក់ព្រោះតែមួយថ្ងៃៗដើរតែស៊ីផឹកស្រវឹង ទើបចូលផ្ទះ ហើយរករឿងប្រពន្ធកូនមិនឈប់ឈរក៏ត្រូវប្រពន្ធ សុំលែង ។ ដោយសារឈឺចិត្តប្រពន្ធសុំលែងក៏ទៅផឹកបន្តទៀតក្នុង បំណងផ្គើនឱ្យកាន់តែខ្លាំង លុះនៅពេលដើរមកផ្ទះវិញក៏ដួលបោកទៅនឹងខឿនចិញ្ចើម ផ្លូវ បណ្តាលឱ្យរងរបួសបែកមុខមាត់ហូរឈាមកក្លាក់ កាលពីវេលាម៉ោង៤និង៤៥នាទីល្ងាចថ្ងៃទី៩ កក្កដា នៅក្នុងសង្កាត់បឹងសាឡាង ខណ្ឌទួលគោក ។
បុរសចំណាស់ម្នាក់នេះឈ្មោះ វិត អាយុ៤០ឆ្នាំ ស្នាក់នៅក្នុងសង្កាត់បឹងសាឡាង ខណ្ឌទួលគោក ក្រោយពីផឹកស្រវឹងហើយដើរដួលរងរបួសក៏ត្រូវបានបងប្អូន និងប្រពន្ធដឹកតាមសីុក្លូយកទៅផ្ទះ ។ តាមស្ត្រីជាប្រពន្ធឱ្យដឹងថា គាត់បានសុំលែងលះ ដោយសារតែប្តីគិតតែពីដើរសីុផឹកមួយខែទល់មួយខែមិន ដែលស្វាង ។ គាត់បន្តថា ដោយសារឮថា គាត់សុំលែងប្តីគាត់នេះក៏ចេញពីផ្ទះទៅផឹកបន្តទៀតរហូតដល់ ម៉ោង៤និង៤៥នាទីល្ងាចក៏ឮគេប្រាប់ថា ប្តីគាត់ស្រវឹងដួលច្រងាប់ច្រងិលបែកមុខបែកមាត់ហូរ ឈាមកក្លាក់ម្នាក់ឯង ។
បុរសចំណាស់ខាងលើ ក្រោយពីដួលបាននិយាយប្រាប់ប្រពន្ធថា បើនៅតែចង់លែងទៀតគាត់នឹងផឹកឱ្យទាល់តែស្លាប់ ថ្ងៃនេះដួលបែកមុខ ថ្ងៃស្អែកផឹកហើយដើរចូលរថយន្តឱ្យបុកស្លាប់តែម្តង ។ បុរសចំណាស់នេះបាននិយាយគំរាមប្រពន្ធប្រមាណ១០នាទី ទើបយល់ព្រមឡើងជិះសីុក្លូត្រឡប់ទៅផ្ទះជាមួយប្រពន្ធ វិញ ដោយប្រពន្ធប្រាប់ថាឱ្យតែឈប់ផឹកគាត់មិនលែងទេ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
