ខេត្តកំពង់ឆ្នាំង ៖ យុវជន២នាក់បានរងរបួសធ្ងន់ និងស្រាលក្នុងហេតុការណ៍គ្រោះថ្នាក់ចរាចរណ៍មួយ គឺម៉ូតូ២គ្រឿងបុកគ្នា កាលពីវេលាម៉ោង៩និង១០នាទីព្រឹកថ្ងៃទី៩ កក្កដា នៅចំណុចផ្លូវបែកជាបួន មុខអាហារដ្នានបូរី ស្ថិតក្នុងភូមិធម្មយុត្ត សង្កាត់ប្អេរ ក្រុងកំពង់ឆ្នាំង ។
សាក្សីបាននិយាយថា មុនពេលកើតហេតុ គេឃើ៊ញម៉ូតូម៉ាកគុប ពណ៌ស្លែ គ្មានស្លាកលេខ មួយគ្រឿងបើកបរដោយឈ្មោះ សុភ័ក្រ មុនីរ័ត្ន អាយុ១៧ឆ្នាំ មានទីលំនៅភូមិប្អេរ សង្កាត់ប្អេរ ពីលិចទៅកើត ក្នុងល្បឿនលឿន លុះមកដល់ចំណុចកើតហេតុត្រង់ផ្លូវបែកជាបួន មានម៉ូតូមួយគ្រឿងទៀតម៉ាកវីវ៉ា ពណ៌ខ្មៅ បើកដោយឈ្មោះ ប៉ុន សុភាព អាយុ១៨ឆ្នាំ ក្នុងដំណើរពីជើងទៅត្បូងបញ្រ្ចាសទិសគ្នា ពេលនោះម៉ូតូទាំងពីរគ្រឿងបានបុកគ្នា ពេញទំហឹង បណ្តាលឱ្យឈ្មោះ សុភ័ក្រ មុនីរ័ត្ន រងរបួសធ្ងន់ ចំណែកឈ្មោះ ប៉ុន សុភាព រងរបួសស្រាល ។
ក្រោយពេលកើតហេតុ ជនរងគ្រោះទាំងពីរនាក់ ត្រូវបានដឹកទៅសង្គ្រោះនៅមន្ទីរពេទ្យ ចំណែកម៉ូតូទាំងពីរគ្រឿង ត្រូវប៉ូលិសយកទៅរក្សាទុកនៅអធិការដ្ឋាននគរបាលក្រុងកំពង់ ឆ្នាំង ដើម្បីដោះស្រាយ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
