ខេត្តកំពត ៖ សពស្ត្រីមេម៉ាយម្នាក់ ត្រូវបានពលរដ្ឋប្រទះឃើញហើមស្អុយនៅក្នុងស្រូវកណ្តាល ស្រែ ស្ថិតក្នុងភូមិត្នោត ឃុំត្នោតចុងស្រង់ ស្រុកបន្ទាយមាស កាលពីថ្ងៃទី១០ កក្កដា។ សពស្ត្រីរងគ្រោះដែលឃាតករសម្លាប់យ៉ាងសាហាវព្រៃ ផ្សៃ ដោយមានវះពោះផងនោះ ត្រូវបានគេស្គាល់ថា ឈ្មោះសៅ លី អាយុ៤៤ឆ្នាំ ជាស្រ្តីមេម៉ាយកូន៣នាក់ ។ ក្រោយពីការប្រទះឃើញសពនៅវេលារសៀលថ្ងៃដដែល ប៉ូលិសព្រហ្មទណ្ឌខេត្តរួមទាំងប៉ូលិសការិយាល័យបច្ចេក ទេសខេត្ត សហការជាមួយប៉ូលិសអធិការដ្ឋានស្រុក និងប៉ូលិសព្រំដែនគោក ក៏បានទៅពិនិត្យមើលសពស្ត្រីដែលគេសម្លាប់នេះ ។
អ្នកភូមិនិយាយគ្រប់មាត់ថា ស្ត្រីរូបនេះគេសម្លាប់រួចហើយ ទើបគេវះយកថ្លើម និងក្រលៀនទៅបាត់ ។ ទោះបីជាបែបណា តាមមន្ត្រីប៉ូលិសអធិការដ្ឋានស្រុកនិយាយថា ស្ត្រីមេម៉ាយរូបនេះរស់នៅជាមួយកូនស្រីម្នាក់អាយុ ១០ឆ្នាំ ចំណែកឯកូន២នាក់ទៀតទៅធ្វើការនៅរោងចក្រកាត់ដេរឯរាជធានី ភ្នំពេញ។ មុនពេលកើតហេតុ គឺយប់ថ្ងៃទី៧ កក្កដា ស្ត្រីរងគ្រោះបានដើរមកទិញប្រេងកាតដុតបំភ្លឺនៅពេលយប់នៅផ្ទះ ក្មួយខាងជាងផ្ទះរបស់ខ្លួន ចម្ងាយប្រហែលមួយគីឡូម៉ែត្រ ក៏បាត់ខ្លួនរហូតមិនដឹងជាទៅទីណា ហើយក្រុមសាច់ញាតិបានតាមរកដែរតែរកមិនឃើញ ។ លុះមកដល់ព្រឹកថ្ងៃទី១០ កក្កដា ស្រាប់តែប្រទះឃើញសពត្រូវជនមិនស្គាល់មុខសម្លាប់ ហើយយកសពដាក់ចោលនៅក្នុងស្រូវ ។
ទាក់ទងនឹងហេតុការណ៍នេះ លោកគង់ កុសល មន្ត្រីប៉ូលិសបច្ចេកទេសខេត្តដែលបានធ្វើកោសល្យវិច័យសពអះអាងថា ឃាតករមិនមែនសម្លាប់ស្ត្រីរូបនេះវះយកថ្លើម និងក្រលៀននោះទេ ។ យោងតាមការត្រួតពិនិត្យជុំវិញការសម្លាប់ រួចវះពោះនេះ មន្ត្រីប៉ូលិសបានរកឃើញពោះវៀនជនរងគ្រោះមួយកំណាត់ប្រហែលកន្លះ ម៉ែត្រនៅឆ្ងាយពីសព ។
លោក ចាប សុផាត អនុប្រធានផ្នែកនៃការិយាល័យនគរបាលព្រហ្មទណ្ឌកម្រិតធ្ងន់ខេត្ត មានប្រសាសន៍ថា ស្ត្រីរងគ្រោះពិតជាត្រូវឃាតករសម្លាប់មែន តែប៉ូលិសកំពុងស្ថិតនៅក្នុងការស៊ើបអង្កេតនៅឡើយថា តើឃាតករវះពោះស្ត្រីរងគ្រោះមានបំណងអ្វី? អ្នកភូមិនិយាយថា ស្ត្រីរងគ្រោះធ្លាប់តែផឹកស្រាស្រវឹងជាញឹកញាប់ហើយគេសង្ស័យ ច្រើនជាងគេនោះ គឺទំនងត្រូវគេចាប់រំលោភ ។ ទោះជាបែបណា ក៏មិនទាន់មានពន្លឺអ្វីសម្រាប់សមត្ថកិច្ចនៅឡើយទេ ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]