ខេត្តពោធិ៍សាត់ ៖ រថយន្តទីកូកញ្ចាស់មួយគ្រឿងពណ៌ស ត្រូវបានជនមិនស្គាល់មុខបើកយកទៅទុកចោលនៅកន្លែងលាងម៉ូតូ -ឡានមួយកន្លែងជាប់មាត់ស្ទឹងខាងមុខផ្សារពោធិ៍សាត់ ស្ថិតក្នុងភូមិពាលញែក២ សង្កាត់ផ្ទះព្រៃ ក្រុងពោធិ៍សាត់ រយៈពេល២ថ្ងៃមកហើយមិនឃើញម្ចាស់មកយកវិញសោះ ។
នៅថ្ងៃទី១០ កក្កដា ២០១២ វេលាម៉ោង១១ព្រឹក បន្ទាប់ពីម្ចាស់កន្លែងលាងម៉ូតូ-ឡានរាយការណ៍ជូនទៅសមត្ថកិច្ច ភ្លាម លោកប៉ង់ ច័ន្ទសុយុទ្ធារ៉ា ព្រះរាជអាជ្ញារងអមសាលាដំបូងខេត្តបានដឹកនាំកម្លាំងចុះទៅ ត្រួតពិនិត្យមើលដែលធ្វើឱ្យមានការភ្ញាក់ផ្អើលយ៉ាងខ្លាំង ។ រថយន្តដែលជនមិនស្គាល់មុខយកទៅទុកចោលនោះជាប់សោទ្វារទាំងអស់ ហើយពេលហៅជាងធ្វើសោឱ្យមកបើកឆែកមើលក្នុងរថយន្តពុំឃើញមានអ្វី ក្រៅពីខោអាវចាស់ៗ៣ទៅ៤កំប្លេ ច្រកក្នុងការ៉ុង និងគ្រឿងអលង្ការកាឡៃពាក់សម្រាប់ការពារជំងឺលើសឈាម គឺខ្សែដៃ២ខ្សែ និងខ្សែ.ក១ខ្សែ។ បន្ទាប់ពីត្រួតពិនិត្យ និងធ្វើកំណត់ហេតុរួចលោកប៉ង់ ច័ន្ទសុយុទ្ធារ៉ា បានបញ្ជាឱ្យយករថយន្តនោះទៅរក្សាទុកនៅអធិការដ្ឋាននគរបាលក្រុង ពោធិ៍សាត់ ដើម្បីស៊ើបអង្កេតបន្ត។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]