ខេត្តកំពង់ចាម ៖ ក្រុមក្មេងទំនើង២ក្រុម មានគ្នាមិនតិចជាង១០នាក់ បានផឹកស៊ីស្រវឹងធ្លាក់ភ្នែកនៅកន្លែងលក់គ្រឿងក្លែមមួយកន្លែង ទល់មុខហាងខារ៉ាអូខេត្រជាក់ចិត្ត ស្ថិតក្នុងភូមិជីមាន់លិច ឃុំក្រែក ស្រុកពញាក្រែក ហើយបង្កទំនាស់ប្រកែកគ្នាទៅវិញទៅមក រហូតឈានដល់បាញ់ប្រហារគ្នាបង្កឱ្យមានការភ្ញាក់ផ្អើលកាលពីវេលា ម៉ោង១និង៣៧នាទីរំលងអធ្រាត្រឈានចូលថ្ងៃទី៩ កក្កដា ២០១២ បណ្តាលឱ្យយុវជនម្នាក់រងរបួសផងដែរ។
យុវជនរងគ្រោះឈ្មោះយឹម ចំណាប់ អាយុ២២ឆ្នាំ រស់នៅភូមិជីមាន់ជើង ឃុំក្រែក ត្រូវ១គ្រាប់ចំខ្នងផ្នែកខាងស្តាំធ្លាយមកពោះខាងឆ្វេងរងរបួសជា ទម្ងន់ត្រូវបានក្រុមគ្រួសារដឹកទៅសង្គ្រោះនៅមន្ទីរពេទ្យបង្អែក ស្រុកពញាក្រែក និងបន្តនាំទៅសង្គ្រោះនៅមន្ទីរពេទ្យបង្អែកខេត្ត។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
