ខេត្តពោធិ៍សាត់ ៖ ក្របីចំនួន៦ក្បាលកំពុងតែវង្វេងម្ចាស់និងវង្វេងទឹកដី ដោយសារក្រុមចោរកៀងបម្រុងឡើងរថយន្ត តែត្រូវសមត្ថកិច្ចមានការសង្ស័យក៏ស្ទាក់ចាប់បានទាន់ពេលវេលា។ ហេតុការណ៍នេះបានកើតឡើងកាលពីថ្ងៃទី៦ កក្កដា វេលាម៉ោង១០និង៣០នាទីយប់ នៅភូមិធ្លាអំពិល ឃុំស្រែស្តុក ស្រុកកណ្តៀង ។
លោកនាយប៉ុស្តិ៍នគរបាលស្រែស្តុកឱ្យដឹងថា នៅយប់ថ្ងៃទី៦ កក្កដា វេលាម៉ោង១០និង៣០នាទី មានមនុស្ស២នាក់បានដេញក្របីតាមផ្លូវក្នុងភូមិ ។ ដោយសារមានការសង្ស័យ កម្លាំងនគរបាលប៉ុស្តិ៍បានសហការជាមួយកម្លាំងប្រជាការពារហៅសួរ នាំស្រាប់តែពួកគេនាំគ្នារត់គេចខ្លួនអស់បន្សល់ទុកក្របីចំនួន៦ ក្បាលនៅទីនោះ ក៏ដឹកយកមករក្សាទុកនៅប៉ុស្តិ៍ដើម្បីធ្វើកំណត់ហេតុនិងសួររក ម្ចាស់ ។ លោកនាយប៉ុស្តិ៍បានធ្វើការសន្និដ្ឋានថា ក្របីទាំងនេះ អាចត្រូវក្រុមចោរកៀងមកពីព្រៃរនាម ឬក៏ភូមិ-ឃុំផ្សេង ឆ្លងកាត់តាមភូមិធ្លាអំពិល ឃុំស្រែស្តុកនេះ បម្រុងឡើងរថយន្តឈ្មួញដែលឈប់រង់ចាំនៅតាមផ្លូវជាតិលេខ៥ ប៉ុន្តែសមត្ថកិច្ចយើងសង្ស័យក៏ស្ទាក់ទាន់ពេលវេលា ។
ក្របីទាំង៦ក្បាល ក្នុងនោះមានញី២ក្បាលត្រូវបានរក្សាទុកនៅប៉ុស្តិ៍នគរបាលរដ្ឋបាល ស្រែស្តុក ដើម្បីរង់ចាំប្រគល់ជូនម្ចាស់ដើមវិញ ។លោកនាយប៉ុស្តិ៍បានអំពាវនាវដល់បងប្អូនប្រជាពលរដ្ឋណាដែល បាត់ក្របី សូមមកពិនិត្យមើលនៅប៉ុស្តិ៍ស្រែស្តុកនេះ ហើយបើពិតជាក្របីរបស់ខ្លួនមែន សូមធ្វើលិខិតបញ្ជាក់អះអាងពីអាជ្ញាធរភូមិ-ឃុំមកលោកនឹងសុំយោបល់ ពីលោកអធិការនគរបាលស្រុកកណ្តៀង ក៏ដូចលោកស្នងការនគរបាលខេត្ត ដើម្បីប្រគល់ជូនវិញ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
