ខេត្តប៉ៃលិន ៖ ប្តីប្រពន្ធ២នាក់ត្រូវបានរថយន្តយីឌុបបុក បណ្តាលឱ្យស្លាប់ភ្លាមៗយ៉ាងអាណោចអាធ័មនៅនឹងកន្លែង ដោយបន្សល់ទុកកូនស្រីម្នាក់អាយុ៣ខែឱ្យរស់នៅកណ្តោចកណ្តែង ខណៈកំពុងជិះម៉ូតូឌុបគ្នាត្រឡប់មកពីផ្សារទិញធុងបាញ់ស្មៅ វិញ ។
គ្រោះថ្នាក់ចរាចរណ៍ដ៏គួរឱ្យរន្ធត់នេះបានកើត ឡើងកាលពីវេលាម៉ោង១១និង៤០នាទីព្រឹកនៅថ្ងៃទី៨ កក្កដា ២០១២ តាមបណ្តោយផ្លូវជាតិលេខ៥៧ ចំណុចផ្លូវកោងក្បែរកូនភ្នំ ស្ថិតក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន។
ជនរងគ្រោះជាប្តីឈ្មោះវ៉ាន់ គឹមសាន្ត ហៅតូ អាយុ២៦ឆ្នាំ និងប្រពន្ធឈ្មោះស្រី ស្រម៉ៃ អាយុ២៥ឆ្នាំ មុខរបរធ្វើចម្ការរស់នៅក្នុងភូមិភ្នំរាំង សង្កាត់អូរតាវ៉ៅ ក្រុងប៉ៃលិន។ អ្នកទាំង២បានជិះម៉ូតូឌុបគ្នាដោយមានបីទារិកាម្នាក់អាយុ៣ខែ ជិះម៉ូតូម៉ាកឌ្រីមសេ១២៥ ស៊េរីឆ្នាំ២០១០ ពណ៌ខ្មៅ ចំណែកឯរថយន្តបង្កហេតុម៉ាកហ៊្វូយហ្សូ (Fuso) ពណ៌ស អ្នកបើកបរដាក់មេប្រូចបាត់ស្រមោល។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]