រាជធានីភ្នំពេញ ៖ យុវជនម្នាក់បើកម៉ូតូ SL រួមដំណើរជាមួយស្ត្រី២នាក់ទៀត តាមបណ្តោយមហាវិថីព្រះមុនីវង្ស ពីជើងទៅត្បូងក្នុងសភាពស្រវឹងជោកជាំហើយមានល្បឿនលឿនផង នោះក៏ជ្រុលទៅបុកម៉ូតូស្មាស់ ពណ៌ខ្មៅ ជិះដោយបុរសម្នាក់ស្រវឹងក្នុងទិសដៅបញ្ច្រាសគ្នា និងមានល្បឿនលឿនដូចគ្នា បណ្តាលឱ្យម៉ូតូទាំងពីរដួលប្រាវទៅនឹងថ្នល់រងរបួសស្ត្រី២ នាក់បែកមុខហូរឈាមកក្លាក់ រីឯអ្នកបើកម៉ូតូ SL សន្លប់បាត់ស្មារតី ។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង១០និង៥០នាទីយប់ ថ្ងៃទី៨ កក្កដា ២០១២ ក្នុងសង្កាត់បឹងរាំង ខណ្ឌដូនពេញ ។
ជនរងគ្រោះត្រូវបានរថយន្តសាមុយដឹកយកទៅ សង្គ្រោះនៅមន្ទីរពេទ្យ។ រីឯម៉ូតូទាំង២ត្រូវបានប៉ូលិសចរាចរខណ្ឌដូនពេញ យកទៅរក្សាទុករង់ចាំដោះស្រាយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]