ខេត្តប៉ៃលិន ៖ បុរស២នាក់ជាមិត្តភក្តិនឹងគ្នាបាននាំគ្នាផឹកស៊ី តាំងពីល្ងាចរហូតដល់យប់ជ្រៅ ស្រវឹងធ្លាក់ភ្នែករៀងៗខ្លួនក៏នាំគ្នាត្រឡប់ទៅផ្ទះវិញ តែដោយសារគំនុំចាស់ពីរឿងតូចចិត្តតូចថ្លើមនឹងគ្នាកាលពីផឹកស៊ី លើកមុន ទើបធ្វើឱ្យមិត្តភក្តិម្នាក់ទៀតគុំកួនទុកក្នុងចិត្តដើម្បីរក ឱកាសវាយមិត្តភក្តិរបស់ខ្លួន។ លុះពេលដើរមកដល់ពាក់កណ្តាលផ្លូវ បុរសជាជនដៃដល់ដែលចេញពីកន្លែងផឹកស៊ីមកមុន បានពួនស្ទាក់លបវាយទៅលើមិត្តភក្តិរបស់ខ្លួន បណ្តាលឱ្យរងរបួសហើមដៃ និងស្មាខាងស្តាំ ។ ដោយទ្រាំមិនបានបុរសដែលត្រូវគេវាយបានឈប់ម៉ូតូដាល់ទៅលើជន ដៃដល់ដែលជាមិត្តភក្តិត្រូវចំនួន២ដៃ បណ្តាលឱ្យហើមភ្នែកខាងស្តាំ ។
ហេតុការណ៍វាយតប់គ្នានេះបានកើតឡើងកាលពីវេលា ម៉ោង១១និង៥នាទីយប់ថ្ងៃទី៥ កក្កដា ២០១២ នៅតាមផ្លូវស្ថិតក្នុងភូមិអូរខ្ទីង សង្កាត់អូរតាវ៉ៅ ក្រុងប៉ៃលិន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]