រាជធានីភ្នំពេញ ៖ កម្មករឡនំបុ័ងម្នាក់ត្រូវប៉ូលិសប៉ុស្តិ៍ផ្សារដេប៉ូទី១ ចាប់ខ្លួនកាលពីវេលាម៉ោង២និង១៥នាទីរសៀលថ្ងៃទី៧ កក្កដា ២០១២ ខណៈពេលផឹកស្រវឹងឌឺដងដាក់គ្នាក្លាយជាទំនាស់ហើយធាក់កម្មករ ដូចគ្នាម្នាក់ទម្លាក់ពីលើផ្ទះកម្ពស់ជាង៣ម៉ែត្រ បណ្តាលឱ្យរបួសសន្លប់បាត់ស្មារតីត្រូវបានបញ្ជូនទៅព្យាបាល នៅមន្ទីរពេទ្យព្រះកុសុមៈ ។ ការទាស់ទែងគ្នាក្លាយជាអំពើហិង្សានេះកើតឡើងនៅចំណុចឡ នំបុ័ងផ្ទះលេខ២៤ដេហ្សេត ផ្លូវលេខ២២១ សង្កាត់ផ្សារដេប៉ូទី១ ខណ្ឌទួលគោក ។
ជនដៃដល់ដែលត្រូវចាប់ខ្លួនឈ្មោះអ៊ុក ស៊ីថា ហៅឆក ភេទប្រុស អាយុ៣៧ឆ្នាំ ជាកម្មករឡនំបុ័ងស្នាក់នៅផ្ទះឡនំបុ័ងខាងលើ និងមានស្រុកកំណើតភូមិទួលចារ ឃុំទួលចារ ស្រុកសំរោង ខេត្តតាកែវ ។ ចំណែកជនរងគ្រោះឈ្មោះគន គន្ធា ភេទប្រុស អាយុ៣៥ឆ្នាំ ជាកម្មករដូចគ្នាស្នាក់នៅជាមួយគ្នារងរបួសធ្ងន់កំពុងសម្រាក ព្យាបាលនៅមន្ទីរពេទ្យព្រះកុសុមៈ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
