រាជធានីភ្នំពេញ ៖ ស្ត្រីម្នាក់ប្រញាប់ឌុបក្មួយប្រុសទៅមន្ទីរពេទ្យជិះជ្រុលពេល ភ្លើងស្តុបពណ៌លឿង ត្រូវម៉ូតូមួយគ្រឿងទៀតបុក បណ្តាលឱ្យដួលឈឺមួយចំហៀងខ្លួនងើបមិនរួច ។ គ្រោះថ្នាក់នេះកើតឡើងនៅវេលាម៉ោង៩និង៤០នាទីព្រឹកថ្ងៃទី៦ កក្កដា ត្រង់កណ្តាលស្តុបទូតចិនតាមមហាវិថីម៉ៅសេទុងកែង១៧៣ ស្ថិតក្នុងសង្កាត់ទំនប់ទឹក ខណ្ឌចំការមន ។
ស្ត្រីអ្នកបើកម៉ូតូស្មាស់រីវ៉ូមានឈ្មោះសុខ រ៉ានី អាយុ៥២ឆ្នាំ ស្នាក់នៅសង្កាត់ស្ទឹងមានជ័យ ខណ្ឌមានជ័យ ជិះម៉ូតូឌុបក្មួយប្រុសឈ្មោះម៉ែន សុគន្ធ ភេទប្រុស អាយុ២៣ឆ្នាំ ជានិស្សិតមានជំងឺគ្រុនចាញ់ ឱ្យម្តាយមីងជូនទៅមន្ទីរពេទ្យ ខណៈទៅដល់ចំណុចខាងលើជិះម៉ូតូជ្រុលភ្លើងបន្តិច ស្រាប់តែត្រូវម៉ូតូឌ្រីមសេ១២៥ ជិះទៅបុកតែម្តង ។ អ្នកបើកម៉ូតូឌ្រីមសេ១២៥ ស៊េរី២០១១ ពណ៌ខ្មៅ មានឈ្មោះរ៉ា សុខមីនា ភេទប្រុស អាយុ១៨ឆ្នាំ បាននិយាយថា ភ្លើងពណ៌បៃតង ម៉ូតូរបស់គេជិះចេញដោយបាំងនឹងរថយន្តទើបមើលមិនឃើញជិះបុក គ្នាតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]