រាជធានីភ្នំពេញ ៖ យុវសិស្សវិទ្យាល័យជា ស៊ីម សន្ធរម៉ុក២នាក់ ត្រូវប៉ូលិសប៉ុស្តិ៍ទឹកល្អក់ទី១ ចាប់ខ្លួនកាលពីវេលាម៉ោង៣និង១៥នាទីរសៀលថ្ងៃទី៥ កក្កដា ២០១២ ខណៈពេលជិះម៉ូតូម៉ាកគុបជ្រុង ពណ៌ទឹកប្រាក់ មួយគ្រឿងធ្វើសកម្មភាពឆក់ខ្សែ.កប្លាទីនមួយខ្សែទម្ងន់១ជី និង៩ហ៊ុនមានបន្តោងមួយពីស្ត្រីម្នាក់កំពុងជិះម៉ូតូតាមផ្លូវ កម្ពុជាក្រោមក្នុងសង្កាត់ទឹកល្អក់ទី១ ខណ្ឌទួលគោក ។
ជនសង្ស័យដែលត្រូវចាប់ខ្លួន ១-ឈ្មោះភឿន សេរីវិសាល ភេទប្រុស អាយុ១៦ឆ្នាំជាសិស្សមានលំនៅផ្ទះជួលសង្កាត់បឹងកេងកងទី៣ ខណ្ឌចំការមន និង២-ឈ្មោះយូ ទិត្យ អាយុ១៥ឆ្នាំ មានលំនៅផ្ទះលេខ៩៧ ផ្លូវលេខ១៩២ សង្កាត់ទឹកល្អក់ទី៣ ខណ្ឌទួលគោក ។ ចំណែកស្ត្រីម្ចាស់ខ្សែ.កឈ្មោះស៊ឹម លក្ខិណា អាយុ២៧ឆ្នាំ ជាបុគ្គលិកក្រុមហ៊ុន CCW មានលំនៅផ្ទះជួលលេខ៥អឺ១ ផ្លូវលេខ១៣០ សង្កាត់ផ្សារថ្មី៣ ខណ្ឌដូនពេញ ។ បន្ទាប់ពីចាប់ខ្លួនប៉ូលិសបានដកហូតខ្សែ.កប្រគល់ឱ្យម្ចាស់វិញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
