ខេត្តព្រះវិហារ ៖ កាលពីថ្ងៃទី២៥ មិថុនា កន្លងទៅនេះ បុរសអគតិម្នាក់ឈ្មោះហង្ស ហឿន អាយុ៥០ឆ្នាំ បានប្រើហិង្សាទាំងកំរោល ដោយវាយប្រពន្ធឈ្មោះយុំ ស្រី អាយុ៤៤ឆ្នាំ មួយអង្រែបុកគ្រឿង ហើយកាប់ថែមមួយកាំបិតទៀតបម្រុងផ្តាច់ជីវិត រួចរត់គេចចេញពីផ្ទះបាត់ទៅ។ ចំណែកស្ត្រីជាប្រពន្ធរងរបួសរហូតសន្លប់លុះកូនតូចមកពីសាលារៀនវិញ ឃើញម្តាយជោកជាំទៅដោយឈាមនៅលើផ្ទះក៏ស្រែកហៅអ្នកជិតខាងឱ្យជួយ សង្រ្គោះ ។
អំពើហិង្សានេះ បានកើតឡើងកាលពីវេលាម៉ោង១២ថ្ងៃត្រង់នៅក្នុងភូមិបឹង ឃុំរអាង ស្រុកសង្គមថ្មី ហើយស្ត្រីជាប្រពន្ធត្រូវបានដឹកមកសង្គ្រោះនៅមន្ទីរពេទ្យ បង្អែក១៦មករា ក្រុងព្រះវិហារ ។ បើតាមស្ត្រីរងគ្រោះរៀបរាប់ថា នៅថ្ងៃកើតហេតុនោះ ខណៈរូបគាត់និងប្តីឡើងមកពីស្រែនៅវេលាម៉ោងប្រហែល១២ថ្ងៃត្រង់ ហើយរូបគាត់កំពុងធ្វើបាយម្ហូប ប្តីគាត់ក៏បានសុំលុយទៅផឹកស្រា លុះត្រឡប់មកវិញដោយស្ថិតក្នុងភាពស្រវឹងផងក៏បានសម្លុតថាបាត់ លុយអស់តើយកទៅណា។ ពេលនោះរូបគាត់ក៏តបថា មិនដឹងទេ បើបាត់លុយមានតែឯងយកទៅផឹកស្រាអស់ ទើបបានជាមករករឿង។
ស្ត្រីជាប្រពន្ធរៀបរាប់ទៀតថា គ្រាន់់តែឆ្លើយប៉ុណ្ណោះ ប្តីគាត់ក៏ទាញអង្រែបុកគ្រឿងវាយរូបគាត់ ដែលកំពុងធ្វើម្ហូប រួចទាញកាំបិតព្រាកាប់ចំក្បាលគាត់ទៀតមុតរយះប្រវែងប្រហែល កន្លះតឹក បណ្តាលឱ្យហូរឈាមហូរជោកខ្លួនរួចក៏សន្លប់បាត់ស្មារតី ទៅ ។ ពេលនោះកូនតូចរបស់គាត់មកពីសាលារៀនដែលតាមប្រាប់ថា ដោយឃើញរូបគាត់ជាម្តាយសន្លប់បាត់ស្មារតី និងមានឈាមស្រោចខ្លួន ក៏រត់ទៅហៅអ្នកស្រុកឱ្យជួយយករូបគាត់មកសង្រ្គោះនៅមណ្ឌលសុខ ភាពស្រុកសង្គមថ្មីគ្រូពេទ្យ ដេរជាង២០ថ្នេរ។
លុះបានរយៈពេល៣ថ្ងៃ ដោយសារតែរបួសក្បាលរបស់គាត់មានសភាពធ្ងន់ពេកឈាមហូរមិនបាត់ ទើបមណ្ឌលសុខភាពស្រុក បញ្ជូនបន្តមកព្យាបាលនៅមន្ទីរពេទ្យបង្អែក១៦មករា ក្រុងព្រះវិហារទៀត។ មកដល់ពេលនេះ បន្ទាប់ពីក្រុមគ្រូពេទ្យបង្អែកព្យាបាលយ៉ាងយកចិត្តទុកដាក់ របួសបានធូរស្រាលបន្តិចហើយ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]