រាជធានីភ្នំពេញ ៖ បុរសវ័យ២៧ឆ្នាំម្នាក់ផឹកស្រា រហូតទាល់តែស្រវឹងជោកជាំ ហើយលែងដឹងអ្វីៗទាំងអស់ទៅដេកនៅលើចិញ្ចើមផ្លូវមួយកន្លែង ដោយស្មានថា ផ្ទះរបស់ខ្លួន ។ ប៉ុន្តែពេលដែលបុរសស្រវឹងស្រាកំពុងដេកលង់លក់យ៉ាងស្កប់ស្កល់ ហើយដាក់ម៉ូតូនៅក្បែរខ្លួននោះក៏ត្រូវក្មេងស្ទាវលួចយកម៉ូតូ ជិះយកទៅបាត់ដោយសុវត្ថិភាព ។ ហេតុការណ៍នេះបានកើតឡើងកាលពីវេលាម៉ោង២និង៥នាទីរំលងអធ្រាត្រ ឈានចូលថ្ងៃទី៦ កក្កដា ២០១២ នៅខាងលិចស្ពានអាកាស៧មករា តាមបណ្តោយផ្លូវសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ ។
ក្នុងស្ថានភាពមិនទាន់ស្វាងស្រាបុរសរងគ្រោះ និយាយទាំងមមីមើថា ខ្លួនឈ្មោះបាន វិជាតិ អាយុ២៧ឆ្នាំ ជាជាងកញ្ចក់ ស្នាក់នៅសង្កាត់កាកាប ខណ្ឌពោធិ៍សែនជ័យ ។ មុនពេលកើតហេតុខ្លួនជិះម៉ូតូហុងដាសេ១២៥ ពណ៌ខ្មៅ ស៊េរី២០០៦ ឡើង២០១០ ត្រឡប់មកពីផឹកស៊ីជាមួយមិត្តភក្តិក្នុងពិធីជប់លៀងមួយនៅក្នុង សង្កាត់ជ្រោយចង្វា ខណ្ឌឫស្សីកែវ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]