ខេត្តកំពង់ចាម ៖ យុវសិស្សម្នាក់ចេញពីសាលាជិះម៉ូតូលឿនពេកដល់ផ្លូវកោងបត់អត់ទាន់ ជ្រុលទៅបុកខឿនចិញ្ចើមផ្លូវបណ្តាលឱ្យបោកក្បាលសន្លប់ស្តូក កាលពីវេលាម៉ោង៨យប់ថ្ងៃទី៣ កក្តដា នៅមុខវិទ្យាល័យព្រះសីហនុ ស្ថិតក្នុងក្រុងកំពង់ចាម ។ ជនរងគ្រោះឈ្មោះលី សុភក្ត្រា ភេទប្រុស អាយុ១៨ឆ្នាំ ជាសិស្សថ្នាក់ទី៩ នៃវិទ្យាល័យព្រះសីហនុ មានទីលំឋានភូមិរមូល ឃុំល្អាង ស្រុកកំពង់សៀម ។
ក្រុមគ្រួសារជនរងគ្រោះបានឱ្យដឹងថា ឈ្មោះលី សុភក្ត្រា ចេញពីសាលារៀនជិះម៉ូតូសេ១២៥ ស៊េរី២០១០ ពណ៌ខ្មៅ ក្នុងទិសដៅពីត្បូងទៅជើង បើកលឿនគួរសមដែរ ខណៈមកដល់ចំណុចកើតហេតុផ្លូវកោងបត់មិនទាន់ជ្រុលទៅបុកខឿន ចិញ្ចើមផ្លូវបណ្តាលឱ្យដួលបោកក្បាលសន្លប់ឈឹង ។
ក្រោយពេលកើតហេតុ ជនរងគ្រោះបានបញ្ជូនទៅព្យាបាលនៅមន្ទីរពេទ្យបង្អែកស្រុក តែដោយស្ថានភាពធ្ងន់ធ្ងរពេកក៏បញ្ជូនបន្តទៅព្យាបាលនៅមន្ទីរ ពេទ្យព្រះកុសុមៈ រាជធានីភ្នំពេញ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
