រាជធានីភ្នំពេញ ៖ មន្ត្រីប៉ូលិសម្នាក់ជិះម៉ូតូហុងដាឌ្រីមសេ១២៥ ស៊េរី២០១១ តាមបណ្តោយផ្លូវជាតិលេខ៥ ពីត្បូងទៅជើង បានបុកបុរសម្នាក់ដែលកំពុងដើរឆ្លងផ្លូវបណ្តាលឱ្យរងរបួស ធ្ងន់ត្រូវបញ្ជូនទៅសង្គ្រោះនៅមន្ទីរពេទ្យក្បែរកន្លែងកើត ហេតុ កាលពីវេលាម៉ោង១០និង៤០នាទីយប់ថ្ងៃទី៤ កក្កដា ក្នុងសង្កាត់ប្ញស្សីកែង ខណ្ឌប្ញស្សីកែវ ។
ជនរងគ្រោះឈ្មោះធុន សុភ័ក្រ អាយុ២៦ឆ្នាំ ជាជាងសំណង់ ស្នាក់នៅកន្លែងកើតហេតុខាងលើ រងរបួសធ្ងន់បែកក្បាល និងធ្លាយភ្លៅត្រូវប្រជាពលរដ្ឋនៅក្បែរនោះបញ្ជូនទៅមន្ទីរ ពេទ្យដើម្បីសង្គ្រោះ ។ ប្រភពព័ត៌មាននៅកន្លែងកើតហេតុបានឱ្យដឹងថា អ្នកបើកម៉ូតូបុកគេនោះជាមន្ត្រីប៉ូលិស បានជិះម៉ូតូហុងដាសេ១២៥ ពណ៌ខ្មៅ តាមបណ្តោយផ្លូវលេខ៥ ក្នុងល្បឿនលឿនជាន់ហ្វ្រាំងមិនទាន់ក៏ទៅបុកបុរសម្នាក់ ដែលកំពុងដើរឆ្លងផ្លូវពេញទំហឹង បណ្តាលឱ្យបែកក្បាល និងធ្លាយភ្លៅរបួសធ្ងន់ធ្ងរ ។
ចំណែកមន្ត្រីប៉ូលិសខាងលើបានរងរបួសបែក មុខ រីឯម៉ូតូរងការខូចខាតតិចតួច ។ ភ្លាមៗប៉ូលិសចរាចរបានចុះទៅដល់កន្លែងកើតហេតុហើយយកម៉ូតូ ទៅរក្សាទុករង់ចាំដោះស្រាយជាក្រោយ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
