រាជធានីភ្នំពេញ ៖ បុរសម្នាក់ជិះម៉ូតូគុប ក្នុងស្ថានភាពស្រវឹងជោក តាមបណ្តោយផ្លូវលេខ២៣០ បានរេចង្កូតពេញផ្លូវក៏ជ្រុលទៅបុកគ្នាជាមួយម៉ូតូណៃហត ចំពីមុខពេញទំហឹង បណ្តាលឱ្យអ្នកបើកម៉ូតូគុបដួលទៅលើទ្រូងផ្លូវសន្លប់បាត់ ស្មារតីឯម៉ូតូណៃហតបានជិះបន្តទៅមុខបាត់ កាលពីវេលាម៉ោង១០និង៥០នាទីយប់ថ្ងៃទី៣ កក្កដា ក្នុងសង្កាត់ទឹកល្អក់ទី៣ ខណ្ឌទួលគោក ។
ប្រភពព័ត៌មានបានឱ្យដឹងថា មុនពេលកើតហេតុ បុរសម្នាក់បានជិះម៉ូតូគុបជ្រុង តាមបណ្តោយផ្លូវលេខ២៣០ ពីកើតទៅលិច ទាំងស្ថានភាពស្រវឹងជោក ហើយបើកម៉ូតូរេពេញផ្លូវ ក៏ជ្រុលទៅបុកចំពីមុខម៉ូតូណៃហត បណ្តាលឱ្យអ្នកបើកម៉ូតូគុបដួលទៅលើផ្លូវសន្លប់បាត់ ស្មារតីប្រមាណ៥នាទី ចំណែកអ្នកបើកម៉ូតូណៃហតពុំរងរបួសទេ ហើយបានជិះម៉ូតូបន្តទៅមុខបាត់ស្រមោល ។
ពេលក្រោកពីសន្លប់បុរសនោះបានទូរស័ព្ទហៅបងប្អូនឱ្យមកទទួលយកទៅផ្ទះ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
