គេហទំព័រវីដេអូ ដ៏ល្បីល្បាញ របស់ក្រុមហ៊ុន Google យូធូប បច្ចុប្បន្ននេះ កំពុងតែ ប្រឈមមុខ ជាមួយនឹង ការប្តឹងទាមទារ ប្រាក់ ៣ ពាន់លានដុល្លារ សហរដ្ឋអាមេរិក ពាក់ព័ន្ធទៅនឹង ការរំលោភ កម្មសិទ្ធិបញ្ញា ទៅលើវីដេអូ បទចម្រៀង ល្បីៗជាច្រើនបទ។

Global Music Rights ដែលជាក្រុមហ៊ុន មានអាជ្ញាប័ណ្ណស្របច្បាប់ ទៅលើបទ ចម្រៀង របស់តារា ចម្រៀង Pharrell Williams, ក្រុម the Eagles និង តារាចម្រៀង John Lennon, បានស្នើឲ្យ យូធូប ធ្វើការលុបចោល នូវវីដេអូ ប្រមាណជា ២០ ០០០ បទ ដែលបានចែកចាយខុសច្បាប់ យ៉ាងព្រោងព្រាត នៅលើគេហទំព័រមួយនេះ។

មេធាវីរបស់ Global Music Rights លោក  Howard King បានថ្លែងប្រាប់ឲ្យដឹងថា៖ «បើយោង តាមច្បាប់កម្មសិទ្ធិបញ្ញា របស់សហរដ្ឋអាមេរិក យើងអាចប្តឹងទាមទារ ប្រាក់សំណង ប្រមាណជា ១៥០ ០០០ ដុល្លារសហរដ្ឋអាមេរិក ក្នុងមួយបទ។ ដូចនេះបើសរុបចូលគ្នា គឺទំហំទឹកប្រាក់សំណង អាចកើនដល់ទៅ ៣ ពាន់លានដុល្លារ សហរដ្ឋអាមេរិក»។

ទោះជាយ៉ាងណាក៏ដោយ យូធូបមិនបានឆ្លើយតប និងបញ្ចេញមតិ ដោយលុបវីដេអូ ទាំង ២០ ០០០ បទនោះ នៅឡើយទេ ដោយពួកគេ អះអាងថា មានសិទ្ធិស្របច្បាប់ ទៅលើវីដេអូ ចម្រៀង ទាំងនេះ៕



        តារាចម្រៀង Pharrell Williams

ប្រភព៖ CNN Money

ដោយ RoMeo

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]