រាជធានីភ្នំពេញ ៖ រថយន្តបាឡែនពណ៌ខ្មៅមួយគ្រឿងបានបោលបុករបងផ្ទះល្វែងទាំងកំរោល បណ្តាលឱ្យបាក់សសររបងផ្ទះគេអស់១ផ្ទាំង បណ្តាលឱ្យម្ចាស់ផ្ទះដែលកំពុងដេកលង់លក់ព្រលឹងចុងសក់ ។ ប៉ុន្តែគ្រោះថ្នាក់នេះមិនបណ្តាលឱ្យមនុស្សរងរបួសទេ ។
នៅកន្លែងកើតហេតុគេឃើញបុរសម្នាក់ជាអ្នកបើករថយន្តបង្កបានចេញពីរថយន្តក្នុងស្ថានភាពស្រវឹងស្រា និងស្រែកឡូឡាច្រងេងច្រងាងដាក់គេឯងរហូតរាលដាលដល់ប៉ូលិសថែមទៀត ដោយនិយាយបែបក្អេងក្អាងថា ខ្លួនមានបងប្អូនធ្វើការជាប៉ូលិសនៅស្នងការរាជធានី ភ្នំពេញ ។ ករណីនេះបានកើតឡើងកាលពីវេលាម៉ោង៩និង១០នាទីយប់ថ្ងៃទី៧ កុម្ភៈ នៅតាមបណ្តោយផ្លូវ២០០២ ក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
តាមព័ត៌មានពីអ្នកឃើញហេតុការណ៍នេះបានឱ្យដឹងថា មុនពេលកើតហេតុគេបានឃើញរថយន្តបាឡែនពណ៌ខ្មៅ បើកក្នុងល្បឿនលឿនតាមបណ្តោយផ្លូវ២០០២ ពីកើតទៅលិច លុះបើកមកដល់ចំណុចខាងលើក៏រេចង្កូតទៅបុករបងផ្ទះខាងលើពេញទំហឹងបណ្តាលឱ្យដួលរបងអស់១ផ្ទាំង ឯរថយន្តរងការខូចខាតផ្នែកខាងមុខធ្ងន់ធ្ងរ ហើយបានបែកពោងសុវត្ថិភាពចេញមកទាំងពីរថែមទៀតផង ។
អ្នកឃើញហេតុការណ៍បាននិយាយថា បុរសអ្នកបើករថយន្តនេះ កុំតែបានពោងសុវត្ថិភាពជួយ កុំអីជីវិតអ្នកប្រមឹកនេះមិនដឹងជាយ៉ាងណាទេ ។
ក្រោយកើតហេតុរថយន្តបង្កហេតុខាងលើ ត្រូវបានប៉ូលិសខណ្ឌសែនសុខ យកទៅរក្សាទុកនៅអធិការដ្ឋានខណ្ឌសែនសុខ ដើម្បីដោះស្រាយតាមច្បាប់ ៕
ដកស្រង់ពីគេហទំព័រ កោះសន្តិភាព
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebookរបស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]