ខេត្តប៉ៃលិន ៖ ប្រជាពលរដ្ឋរស់នៅក្នុងភូមិក្បែរផ្ទះបុរសម្នាក់ដែលបាន ស្លាប់កាលពីជិត១អាទិត្យមុនបាននាំគ្នានិយាយប្រាប់កោះសន្តិ ភាពទាំងព្រឺក្បាលខ្លាចខ្មោចលងទាំងយប់ទាំងថ្ងៃគ្រប់ៗគ្នា ដោយខ្មោចនេះបានលងធ្វើជារូបភាពសំឡេងប្លែកៗ ដូចជារើចាន ឆ្នាំង សំឡេងពុះអុសពេលយប់ស្រែកថ្ងូរយំដូចកាលពីនៅរស់ និងជួនកាលបង្ហាញឱ្យក្មេងៗ និងចាស់ៗឃើញតែក្បាលមួយកំណាត់បាត់ខ្លួនដេកនៅលើផ្ទះពេលថ្ងៃ ព្រមទាំងធ្វើឱ្យឆ្កែ អ្នកភូមិនៅក្បែរនោះលូព្រុសជារៀងរាល់យប់ តែពេលពួកគេនាំគ្នាចេញមកមើលមិនឃើញមានអ្វីទាល់តែសោះ ។ ហេតុការណ៍នេះកើតឡើងជារៀងរាល់យប់ចាប់តាំងពីថ្ងៃទី៣០ មិថុនា រហូតដល់ថ្ងៃទី៣ កក្កដា នៅមិនទាន់ឈប់ឡើយ ដែលស្ថិតក្នុងភូមិអូរអណ្តូង ឃុំអូរអណ្តូង ស្រុកសាលាក្រៅ ។
ប្រភពបន្តឱ្យដឹងថា ជារៀងរាល់ថ្ងៃពួកគាត់ត្រូវបានខ្មោចបុរសម្នាក់លង ដែលកាលពីនៅរស់បុរសរូបនេះបានស្នាក់នៅជាមួយម្តាយចំណាស់ ម្នាក់អាយុជាង៧០ឆ្នាំហើយដោយសារតែជីវភាពក្រីក្រម្តាយមិនបានរក ពេទ្យព្យាបាលឱ្យបានដិតដល់ ខណៈពេលបុរសរូបនេះមានជំងឺឆ្កួតជ្រូក ឬតេតាណូស ដែលបណ្តាលឱ្យប្រកាច់រាល់ថ្ងៃមិនលោះ ក្នុង១ថ្ងៃ៣ទៅ៤ដង តាំងពីអាយុ១៧ឆ្នាំមកម៉្លេះ រហូតដល់វេលាម៉ោង៦និង៣០នាទីព្រឹកថ្ងៃទី២៩ មិថុនា ២០១២ ក៏បានស្លាប់បាត់បង់ជីវិត ។ ចាប់តាំងពីពេលនោះមកខ្មោចបុរសខាងលើតែងតែធ្វើសកម្មភាពលង បន្លាចអ្នកភូមិនៅក្បែរនោះជារៀងរាល់ថ្ងៃ។
បុរសដែលស្លាប់ត្រូវប្រជាពលរដ្ឋអះអាងថា លងបន្លាចជារៀងរាល់ថ្ងៃនោះឈ្មោះគង់ ស្រី ភេទប្រុស អាយុ៣០ឆ្នាំរស់នៅភូមិកើតហេតុខាងលើ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
