ខេត្តកំពត ៖ ប្តី-ប្រពន្ធ និងក្មេងស្រីម្នាក់បានជិះម៉ូតូឌ្រីម សេ១២៥ ពណ៌ក្រហម មួយគ្រឿងឌុបគ្នាក្នុងទិសដៅគឺពីត្បូងទៅជើង តាមបណ្តោយផ្លូវជាតិលេខ៣១ ពេលបើកម៉ូតូមកដល់ចំណុចភូមិឈើទាល ឃុំស្តេចគង់ខាងលិច ស្រុកបន្ទាយមាស ម៉ូតូបានបុកឆ្កែឈ្មោលមួយក្បាលរត់ឆ្លងផ្លូវពេញទំហឹង បណ្តាលឱ្យពីរនាក់ប្តី-ប្រពន្ធ របួសធ្ងន់រហូតធ្វើឱ្យស្ត្រីជាប្រពន្ធមានឈាមហូរចេញតាម ត្រចៀកសន្លប់ស្តូកស្តឹង និងបុរសជាប្តីក្រោកមិនរួច គេសង្ស័យថាបាក់ភ្លៅ ឯក្មេងស្រីម្នាក់អាយុប្រហែល៣ឆ្នាំបានគេចផុតពីគ្រោះថ្នាក់ ។ ហេតុការណ៍នេះកើតឡើងកាលវេលាម៉ោង១១និង៣០នាទីព្រឹកថ្ងៃទី១ កក្កដា ។
សាក្សីនិយាយថា ជនរងគ្រោះទាំងពីរនាក់ប្តី-ប្រពន្ធ បុរសជាប្តីឈ្មោះ ចាន់ អ៊ីម អាយុ៤៩ឆ្នាំ និងស្ត្រីជាប្រពន្ធឈ្មោះ ហ៊ុយ សុផាត អាយុ៤៨ឆ្នាំ នៅភូមិជ្រោះតាសោម ឃុំប្រាសាទភ្នំខ្យង ស្រុកកំពង់ត្រាច ។ លោក ង៉េត វ៉ាត នាយប៉ុស្តិ៍ឃុំស្តេចគង់ រួមជាមួយនគរបាលផ្នែកចរាចរស្រុក ពេលទទួលបានដំណឹងថាគ្រោះថ្នាក់ចរាចរណ៍ រងរបួសធ្ងន់រហូតសន្លប់ កម្លាំងរបស់លោកបានទៅដល់កន្លែងកើតហេតុ ក៏ឃើញពីរនាក់ប្តី-ប្រពន្ធជិះម៉ូតូបុកឆ្កែ តែមិនប៉ះពាល់ដល់អ្នកដទៃ កម្លាំងនគរបាលក៏បាននាំគ្នាត្រឡប់ទៅវិញ ចំណែកជនរងគ្រោះត្រូវសាច់ញាតិដឹកទៅកាន់មន្ទីរពេទ្យខេត្តតា កែវ តែស្រ្តីជាប្រពន្ធត្រូវគ្រូពេទ្យខេត្តតាកែវ បញ្ជូនបន្តទៅកាន់មន្ទីរពេទ្យកាល់ម៉ែត រាជធានីភ្នំពេញ ។ គ្រោះថ្នាក់នេះកើតឡើងជាយថាហេតុ តែអ្នកបញ្ជាយានយន្តគ្រប់ប្រភេទគប្បីមានការប្រុង ប្រយ័ត្ន ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
