នៅថ្ងៃទី១២ ខែកក្កដាឆ្នាំ២០១២ខាងមុខនេះ Sabay Entertainment មានមោទនភាពក្នុងការបង្ហាញវណ្ណកម្មភាពយន្តថ្មីមានចំណងជើងថា “នាយឡប់ជំពប់ស្នេហ៍” ដែលជាស្នាដៃនិពន្ធនិងដឹកនាំរឿងដោយអ្នកដឹកនាំរឿងឆ្នើមអ្នកស្រី ពាន់ ភួងបុប្ផា។
វណ្ណកម្មភាពយន្តថ្មី “នាយឡប់ជំពប់ស្នេហ៍” នេះមានរយៈពេលបញ្ចាំង ២ម៉ោងនិង៣០នាទី ហើយអ្វីដែលពិសេស “នាយឡប់ជំពប់ស្នេហ៍” នឹងបង្កប់នូវចំណីអារម្មណ៍គ្រប់រសជាតិដែលអាចនិយាយបានថាជាខ្សែភាពយន្តថ្មីមិនធ្លាប់មានពីមុន។ បន្ទាប់ពីចំណូលនៃការចាក់បញ្ចាំងភាពយន្តខ្មែរ “កុមារី ២៥ ឆ្នាំ” បានបង្ហាញនៅក្នុងតារាង Box Office ក្នុងស្រុកដ៏ជោគជ័យរួចមក ខ្សែភាពយន្តដែលបង្កប់ដោយការស៊ើបអង្កេត ឈុតឆាកវាយប្រហារ រន្ធត់ កំប្លែងសើចចុកពោះ និងស្នេហា “នាយឡប់ជំពប់ស្នេហ៍” ក៏រំពឹងថានឹងអាចធ្វើឲ្យតារាង Box Office ក្នុងស្រុកមានភាពលេចធ្លោគួរឲ្យកត់សម្គាល់ផងដែរ។
ដើម្បីលើកកម្ពស់ភាពយន្តក្នុងស្រុក និងលើកទឹកចិត្តដល់ទស្សនិកជនដែលមានបំណងចង់ទស្សនាខ្សែភាពយន្ត “នាយឡប់ជំពប់ស្នេហ៍” Sabay Entertainment បានរៀបចំកម្មវិធីផ្សងសំណាងឈ្នះរង្វាន់អាវយឺតមានរូប “នាយឡប់ជំពប់ស្នេហ៍” ចំនួន១០អាវ តាមរយះ Khmerload.com ។
ដើម្បីឈ្នះរង្វាន់អាវយឺតនេះទស្សនិកជនទាំងអស់គ្រាន់តែឆ្លើយនឹងសំណួរដូចខាងក្រោមនេះ៖
តើរោងភាពយន្តមួយណានឹងចាក់បញ្ចាំងខ្សែភាពយន្ត “នាយឡប់ជំពប់ស្នេហ៍” ចាប់ពីថ្ងៃទី ១២ ខែ កក្កដាតទៅ?
A: រោងភាពយន្ត Cineplex ផ្សារទំនើបសូរិយា
B: រោងភាពយន្ត Legend ផ្សារទំនើបស៊ីធីម៉ល
C: រោងភាពយន្តទាំងពីរខាងលើ
មិត្តអ្នកអានទាំងអស់អាចឆ្លើយសំនួរឈ្នះរង្វាន់អាវយឺតបាន ដោយគ្រាន់តែសរសេរពាក្យ ” khmerload” ដកឃ្លាជ្រើសរើសចម្លើយ A, B ឬ C រួចផ្ញើ សាទៅកាន់លេខ ៧២២២ ។ កម្មវិធីផ្ញើសាដើម្បីឈ្នះរង្វាន់នេះចាប់ផ្ដើមពីថ្ងៃទី ១ ខែ កក្កដា ដល់ថ្ងៃទី ៨ ខែកក្កដា ។ ឈ្មោះអ្នកឈ្នះរង្វាន់នឹងមានផ្សាយជួនជាផ្លូវការនៅលើគេហទំព័រ sabay។ បន្ថែមលើនេះទៀត Sabay Entertainment នឹងធ្វើការទាក់ទងដោយផ្ទាល់ទៅកាន់ប្រិយមិត្តដែលឈ្នះរង្វាន់តែម្តង។
សូមទស្សនាវីដេអូបទសម្ភាសន៍របស់តារាសម្តែង ប៉ែន ចំរុង និងលោក អ៊ុន សុទ្ធាដែលរៀបចំឡើងដោយ Sabay TV ទាំងអស់គ្នា!
សាច់រឿងសង្ខេប
បុស្សបា ខត្តីយវង្ស(សម្ដែងដោយកញ្ញា មាន សូនីតា) គឺជាកូនស្រីទោលតែមួយគត់របស់ ត្រកូល ខតី្តយវង្ស។ បន្ទាប់ពីឪពុកម្ដាយរបស់នាងស្លាប់ដោយឧប្បត្តិហេតុ ពួកគាត់បានបន្សល់ទុកមរតករាប់រយលានដល់កូនស្រីសំណព្វចិត្តម្នាក់នេះ។ បុស្សបាអាចទទួលមរតកពីមេធាវីដែលឪពុកនាងជឿទុកចិត្តបាននៅពេលណានាងគ្រប់អាយុ ២១ឆ្នាំ។ នៅសល់បួនខែទៀតទើបនាងអាចទទួលទ្រព្យសម្បត្តិស្របច្បាប់តាមពាក្យបណ្ដាំរបស់ឪពុកនាង ដូច្នេះ នាងត្រូវមកស្រុកខ្មែរដើម្បីត្រៀម ទទួលទ្រព្យសម្បត្តិមហាសាលនោះ។ ប៉ុន្តែ មានតម្រុយមួយបានប្រាប់ឲ្យដឹងថា មានគេប៉ុនប៉ងធ្វើឃាតនាងដើម្បីផ្ដាច់ពូជ។ ក្រោយពីឭដំណឹងអាក្រក់នេះ មេធាវីរបស់នាងបានធ្វើពាក្យបណ្ដឹងទៅស្នងការប៉ូលិសដើម្បីមានវិធានការណ៍ការពារជីវិតនាង។ ក្រុមអង្គរក្សពិសេសមួយក្រុមត្រូវបានបង្កើតឡើងដោយមានឈ្មោះបុត្រ(សម្តែងដោយលោក អ៊ុន សុទ្ធា)ជាអ្នកដឹកនាំក្រុម។
ដំបូងបុស្សបាស្អប់បុត្រយ៉ាងខ្លាំងដោយសារតែអង្គរក្សម្នាក់នេះរឹងទទឹងមិនព្រមស្របតាមនាង។ បុត្រម៉ឺងម៉ាត់ក្នុងការការពារ បុស្សបាពេកដូច្នេះបានជាធ្វើអោយនាងទាស់ចិត្ត ។ ក្រោយមកទំនាក់ទំនងស្និទ្ធស្នាលរាល់ថ្ងៃ បានធ្វើឲ្យបុស្សបាបាក់ចិត្តលើបុត្រយ៉ាងជ្រាលជ្រៅ ប៉ុន្តែពេលនោះនាងដឹងថាបុត្រមានសង្សារនៅស្រុកកំណើតតាំងពីមុនពេលដែលគេមកធ្វើជាអង្គរក្សរបស់នាងទៅទៀត។
ប៉ុន្តែនៅពេល បុស្សបាព្យាយាមរត់គេចពីការតាមសម្លាប់របស់ឪពុកមា និងម្តាយមីងរបស់នាង នាងក៏បានស្គាល់បុរសឡប់សតិម្នាក់ឈ្មោះវុធ(សម្ដែងដោយលោកប៉ែន ចំរុង)។ នាយឡប់ថ្វីបើជាមនុស្សឡប់សតិតែគេមានអតីតភាពជាអ្នកចេះដឹងជាកូនរបស់អ្នកមានទ្រព្យសម្បត្តិ និងធ្លាប់ជាអ្នកគ្រប់គ្រងធនាគារមានឈ្មោះល្បីមួយកន្លែង។ ដោយសារអនុស្សាវរីយ៍នាពេលនៅជាមួយគ្នាចេះតែស្អិតល្មួតទៅៗ បានធ្វើឲ្យនាយឡប់បាក់ចិត្តស្រលាញ់លើបុស្សបា។ ប៉ុន្តែ ពេលនេះស្នេហាត្រីកោណក៏បានកើតឡើងដោយបុស្សបារារែកចិត្តរវាង បុត្រនិងវុធ។
ដើម្បីលាក់បាំងសមាសភាពរបស់ខ្លួនបុស្សបាបានរត់ទៅជនបទនិងក្លែងធ្វើជាអ្នកជំងឺ ឡប់សតិម្នាក់។ ពេលនោះនាងឡប់ក៏បានជួបនាយឡប់។ តើ បុស្សបាអាចគេចផុតពីការតាមសម្លាប់របស់ឪពុកមានាងដែរទេ? តើនាយឡប់អាចធ្វើឲ្យមិត្តអ្នកអានសើចដល់កម្រិតណា?
ចង់ជ្រាបច្បាស់ពីសាច់រឿងលម្អិត សូមអញ្ជើញមកទស្សនាខ្សែភាពយន្តខ្នាត ធំដែលមានចំណងជើង “នាយឡប់ជំពប់ស្នេហ៍” នៅរោងភាពយន្ត លុច្ស(Lux) រោងភាពយន្តស៊ីណេភ្លិច(Cineplex) រោងភាពយន្ត លីចេន(Legend) ស៊ីធីម៉ល និង រោងភាពយន្តបារាយណ៍អណ្ដែតខេត្តសៀមរាប ។ ចាប់បញ្ចាំងព្រមគ្នានៅថ្ងៃទី ១២ កក្កដា ឆ្នាំ២០១២ ខាងមុខនេះតទៅ។
Which cinema will be showing FOOLS IN LOVE from July 12th?
A: Platinum Cineplex, Sorya Mall
B: Legend Cinema, City Mall
C: Both.
SMS ‘Khmerload’ and either ‘A’,’B’ or ‘C’ to 7222 and enter into the free prize draw by your PHONE TEXT MESSAGE.
For example, Khmerload C
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]