ខេត្តកំពង់ឆ្នាំង ៖ ស្ត្រីម្នាក់ដោយសារតែខឹងនឹងកូនស្តីប្រដៅមិនបាន ក៏គិតខ្លីព្យាយាមសម្លាប់ខ្លួនដោយលេបថ្នាំងងុយដេកចំនួន២ដង អស់ជាង២០គ្រាប់ តែសំណាងល្អត្រូវបានក្រុមគ្រួសារដឹកទៅសង្គ្រោះនៅមន្ទីរពេទ្យ ទាន់ពេលវេលាដែលហេតុការណ៍នេះកើតឡើងកាលពីវេលាម៉ោង៧និង៣០នាទី ព្រឹកថ្ងៃទី៣ កក្កដា ២០១២ នៅនឹងផ្ទះរបស់ខ្លួន ស្ថិតក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ។
ស្ត្រីដែលគិតខ្លីចង់សម្លាប់ខ្លួននោះមាន ឈ្មោះគង់ ផល្លា អាយុ៥៣ឆ្នាំ មានទីលំនៅភូមិកើតហេតុខាងលើ ។ លោកញ៉ោក ប៊ុនធី នាយប៉ុស្តិ៍នគរបាលសង្កាត់ផ្សារឆ្នាំងបាននិយាយថា ស្ត្រីរងគ្រោះមានប្តីមានកូន ប៉ុន្តែប្តីមិនសូវគិតគូរអ្នកផ្ទះប៉ុន្មានផងនោះ រួមផ្សំកូនប្រដៅមិនស្តាប់ថែមទាំងបំផ្លាញទ្រព្យសម្បត្តិក្នុង គ្រួសារគាត់ក៏សម្រេចចិត្តគិតខ្លីបែបនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
