រាជធានីភ្នំពេញ ៖ យុវជនម្នាក់ស្លាប់បាត់បង់ជីវិត ខណៈពេលជិះម៉ូតូទៅបុករទេះរុញលក់នំប៉ាវកំពុងឆ្លងផ្លូវ បណ្តាលឱ្យខ្ទាតជាង១៥ម៉ែត្របាក់រទេះជាបំណែក ហើយអ្នកលក់នំប៉ាវរងរបួសធ្ងន់។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង១០និង២៥នាទី យប់ថ្ងៃទី២ កក្កដា នៅទល់មុខអាកាសយានដ្ឋានអន្តរជាតិភ្នំពេញ តាមមហាវិថីសហព័ន្ធរុស្ស៊ី ចំណុចភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
ក្រោយពេលកើតហេតុជនរងគ្រោះរបួសធ្ងន់ត្រូវ បានរថយន្តសង្គ្រោះដឹកយកទៅព្យាបាលនៅគ្លីនិកឯកជន ។ ចំណែកសពជនរងគ្រោះមិនស្គាល់អត្តសញ្ញាណត្រូវដឹកយកទៅតម្កល់ទុក នៅ វត្តទឹកថ្លា រង់ចាំបងប្អូនសាច់ញាតិទៅទទួលយកធ្វើបុណ្យតាមប្រពៃណី ។ ម៉ូតូ និងបំណែករទេះបាក់ខូចខាតត្រូវសមត្ថកិច្ចប្រមូលយកទៅរក្សាទុកនៅ អធិការដ្ឋានខណ្ឌពោធិ៍សែនជ័យ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
