រាជធានីភ្នំពេញ៖ ម៉ូតូ២គ្រឿងបានបុកគ្នានៅស្តុបសណ្ឋាគារស ខណៈម៉ូតូមួយគ្រឿងជិះលឿន ហើយម៉ូតូមួយគ្រឿងទៀតឃើញជិះលឿនពេកក៏ចាប់ហ្វ្រាំងឈប់ព្រោះខ្លាចគេបុក តែចៀសមិនផុតពីគេបុកដដែលបណ្តាលឱ្យដួលរយះប្រអប់ជើងខាងស្តាំកាលពី វេលាម៉ោង១០និង៤០នាទីយប់ថ្ងៃទី២៩ មិថុនា តាមមហាវិថីព្រះមុនីវង្សកែងផ្លូវលេខ២១៧ ស្ថិតក្នុងសង្កាត់ផ្សារថ្មីទី២ ខណ្ឌដូនពេញ ។
ប្រភពព័ត៌មានបានឲ្យដឹងថា ម៉ូតូសេ១២៥ ស៊េរី២០០៦ ពណ៌ខ្មៅ ជិះតាមផ្លូវលេខ២១៧ ពីលិចទៅកើត ចំណែកម៉ូតូសេ១២៥ ស៊េរី ២០០៧ ពណ៌ខ្មៅ បើកតាមមហាវិថីព្រះមុនីវង្ស ពីត្បូងទៅជើង ។ ខណៈមកដល់ស្តុបសណ្ឋាគារស ម៉ូតូសេ១២៥ ស៊េរី២០០៦ ឈប់សិនដោយសារតែឃើញម៉ូតូសេ១២៥ ស៊េរី២០០៧នោះជិះលឿនក៏បណ្តាលឲ្យបុកគ្នាដួលរយះប្រអប់ជើងខាងស្តាំ ចំណែកម៉ូតូបង្កមិនមានរងរបួសអ្វីទេ បានងើបរត់ទៅបាត់ចោលម៉ូតូនៅកន្លែងកើតហេតុ ។
ជនរងគ្រោះជិះម៉ូតូសេ១២៥ ស៊េរី២០០៦ ពណ៌ខ្មៅ ឈ្មោះរ៉ុន ឈុនណេង ភេទប្រុស អាយុ៤៨ឆ្នាំ ជាអាជីវករលក់ដូរ ស្នាក់នៅសង្កាត់ផ្សារអូរឫស្សីទី៤ ខណ្ឌ៧មករា ជិះម៉ូតូទៅឌុបប្អូនស្រីលក់អីវ៉ាន់នៅផ្សាររាត្រី ។ក្រោយពេលកើតហេតុម៉ូតូទាំងពីរគ្រឿង ត្រូវសមត្ថកិច្ចយកទៅរក្សារទុកនៅអធិការដ្ឋាន ខណ្ឌ៧មករារង់ចាំដោះស្រាយពេលក្រោយ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]