ខេត្តក្រចេះ ៖ ក្រុមគ្រួសារ និងគូដណ្តឹងរបស់នាងក្រមុំរូបស្រស់នៅតែបន្តដើរស្វែងរករូបនាងគ្រប់ច្រកល្ហក ខណៈដែលនាងបានចេញបាត់ពីផ្ទះអស់រយៈពេលជិត១០ថ្ងៃ មកហើយ ដោយមិនដឹងជាទៅទីណា និងមិនទាន់មានដំណឹងនៅឡើយ ។
ក្រោយពីការបាត់ខ្លួននារីរូបនោះ គិតមកដល់ពេលនេះគឺមានរយៈពេលជិត១០ថ្ងៃមកហើយ ហើយគ្រួសារនារីរងគ្រោះក៏បានដាក់ពាក្យបណ្តឹងនៅការិយាល័យជួញដូរមនុស្ស និងការពារអនីតិជននៃស្នងការដ្ឋាននគរបាលខេត្តកាលពីព្រឹកថ្ងៃទី២ កក្កដា ដើម្បីឱ្យអាជ្ញាធរជួយស្វែងរកបន្ត ។
ស្ត្រីឈ្មោះថាច់ រ៉ី អាយុ៥៤ឆ្នាំ ដែលត្រូវជាម្តាយនារីបាត់ខ្លួនបានរៀបរាប់ថា កូនស្រីរបស់គាត់ដែលចេញបាត់ពីផ្ទះនេះឈ្មោះយន់ ផល្លា អាយុ១៨ឆ្នាំ មានទីលំនៅភូមិស្រែត្រូន ឃុំឃ្សឹម ស្រុកស្នួល ហើយនាងជាកូនស្រីពៅក្នុងចំណោមបងប្អូន៦នាក់ ស្រី៣នាក់ និងមានគូដណ្តឹងរួចហើយ ក្រោយពីភ្ជាប់ពាក្យជាមួយនឹងបុរសម្នាក់នៅក្នុងភូមិជាមួយកាលពីខែមីនា ឆ្នាំ២០១២ កន្លងទៅ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]