យោងទៅតាមប្រភពព័ត៌មានពីកាសែតសិង្ហបុរី Straitstimes ចេញផ្សាយកាលពីថ្ងៃអាទិត្យទី១ កក្កដា ឆ្នាំ២០១២ បានឱ្យដឹងថា និស្សិត Karisa Sukamto វ័យ១៨ឆ្នាំ បានគ្រងមកុដបវរកញ្ញាឯកប្រចាំឆ្នាំ ២០១២ របស់ប្រទេសសិង្ហបុរី ។ នាង Karisa Sukamto ត្រូវបានបំពាក់មកុដ ដោយនាង May HSu ម្ចាស់តំណែងមកុដបវរកញ្ញាឯកឆ្នាំ២០១១ នៅក្នុងក្លឹប Orchid Country កាលពីថ្ងៃពុធទី២ ទី២៧ មិថុនា កន្លងមកនេះ ។
ចំណែកឯនាង Michelle Koh ទទួលបានចំណាត់ថ្នាក់លេខ ២ និងនាង Sarah Noble ទទួលបានចំណាក់ថ្នាក់លេខ៣ ។ នាង Karisa Kukamto បានយកឈ្នះបេក្ខនារី១៤រូប ផ្សេងទៀតក្នុងវគ្គផ្តាច់ព្រ័ត្រ បើទោះជានាងមានកម្ពស់ត្រឹមតែ១,៦៥ទាបជាងគេក៏ដោយ ។ លោកចៅក្រមទាំង១៤រូបមានការសម្រេចចិត្តយ៉ាងពិបាកទៅបញ្ហាកំពស់ របស់នាង ក៏ប៉ុន្តែការសម្រេចចិត្តចុងក្រោយ គឺបានវាយតម្លៃខ្ពស់ទៅលើនាងបីចំណុច គឺភាពវ័យឆ្លាត បុគ្គលិកលក្ខណៈរួសរាយ និងមុខមានមន្តស្នេហ៍ ។
ទោះបីនាង Karisa Sukamto មានបញ្ហាចម្រូងចម្រាស់ផ្នែកកម្ពស់យ៉ាងណាក្តី ក៏នាង នឹងតំណាងឱ្យប្រទេសសិង្ហបុរី ហើយត្រូវធ្វើដំណើរទៅចូលរួមប្រកួតបវរកញ្ញាឯកពិភពលោកឆ្នាំ ២០១២ ដែលនឹងប្រារព្ធធ្វើឡើងនៅថ្ងៃទី១៨ សីហា ឆ្នាំ២០១២ ក្នុងប្រទេសចិនខាងមុខនេះ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]